షాకింగ్: ప్రశ్నించినందుకు మహిళను వివస్త్రను చేసిన దుండగులు

విశాఖపట్నం: విశాఖపట్నం జిల్లా పెందుర్తిలో దారుణం చోటు చేసుకుంది. కబ్జాకోరులు రెచ్చిపోయారు. కబ్జాను ప్రశ్నించిన ఓ మహిళను వివస్త్రను చేసి దారుణంగా ప్రవర్తించారు. ఈ సంఘటన స్థానికంగా కలకలం రేపుతోంది.

స్థానిక రాజకీయ నాయకుల అండదండలతోనే కబ్జాకోరులు రెచ్చిపోతున్నారనే ఆరోపణలు వెల్లువెత్తుతున్నాయి. ప్రభుత్వ భూములు లేదా డాక్యుమెంట్లు లేని భూములు, వివాదంలో ఉన్న భూములు ఉంటే వాటిపై కబ్జాకోరుల కన్ను పడుతోందని అంటున్నారు.

కీలక ప్రాంతాల్లో భూములు దక్కించుకోవాలని

కీలక ప్రాంతాల్లో భూములను దక్కించుకుంటే అనే ఉద్దేశ్యంతో రాత్రికి రాత్రి జెండా పాతిన సందర్భాలు కూడా ఉన్నాయని అంటున్నారు. వీరికి రాజకీయ నాయకుల అండ కూడా ఉండటం వల్లే వారు రెచ్చిపోతున్నారని చెబుతున్నారు.

మహిళను వివస్త్రను చేయడంపై ఆగ్రహం

మహిళను వివస్త్రను చేయడంపై మహిళా సంఘాలు, ప్రజా సంఘాలు ఆగ్రహం వ్యక్తం చేశాయి. అధికార పార్టీ నాయకుల అండదండలతో కొందరు రెచ్చిపోతున్నారని ఆరోపించారు. ఇలాంటి ఘటనలు జరగకుండా వారిపై కఠిన చర్యలు తీసుకోవాలని డిమాండ్ చేశారు.

న్యాయం కోసం అడిగితే రక్షణ లేదు

కాగా, భూకబ్జాను ప్రశ్నించి, వివస్త్రకు గురైన బాధితురాలు ఓ దళిత మహిళ అని తెలుస్తోంది. దీంతో దళిత సంఘాలు కూడా ఈ అంశంపై ఆగ్రహం వ్యక్తం చేశాయి. ఊరూరా అంబేడ్కర్ విగ్రహాలు అంటున్నారని, కానీ న్యాయం కోసం అడిగితే రక్షణ లేకుండా పోయిందని వాపోతున్నారు.

వివస్త్రను చేసింది

ఆ మహిళను వివస్త్రను చేసింది స్థానిక నాయకులు రాజు, శ్రీను అని ప్రచారం సాగుతోంది. కాగా తనపై జరిగిన అఘాయిత్యానికి బాధిత మహిళ స్థానిక పోలీస్ స్టేషన్లో ఫిర్యాదు చేశారు.

English summary

Woman stripped in Pendurti, Visakhapatnam for asking about land occupation.