Get Updates
Get notified of breaking news, exclusive insights, and must-see stories!

ఫుట్‌బాల్ లెజెండ్ డిగో మారడోనా మృతి -అర్జెంటీనాలోని సొంతింట్లో గుండెపోటు రావడంతో

ఫుట్‌బాల్ అనే ఆటకు పర్యాయపదంగా ప్రపంచ వ్యాప్తంగా క్రేజ్ పొందిన అర్జెంటీనా సాకర్ దిగ్గజం డిగో మారడోనా(60) ఇక లేరు. కొన్ని రోజుల కిందటే బ్రెయిన్ ఆపరేషన్ చేయించుకున్న ఆయన ఇటీవలే ఆస్పత్రి నుంచి డిశ్చార్జ్ అయ్యారు. ఇంట్లోనే చికిత్స కొనసాగుతున్న క్రమంలో బుధవారం సడెన్ గా ఆయనకు గుండెపోటు రావడంతో చనిపోయారని అర్జెంటీనా మీడియా సంస్థలు వెల్లడించాయి.

మారడోనా మరణ వార్తతో క్రీడాలోకం షాక్ కు గురైంది. అర్జెంటీనా రాజధాని బ్యూనస్ ఎయిర్స్ లోని ఆయన ఇంటికి వేలాది మంది అభిమానులు క్యూ కట్టారు. దీంతో అక్కడ భద్రతను కట్టుదిట్టం చేశారు. మెదడులో రక్తం గడ్డ కట్టిన ఇబ్బందులతో మారడోనా ఈ నెల ఆరంభంలోనే ఆస్పత్రిలో చేరగా, ఆపరేషన్ విజయవంతమైంది. ఇక తేరుకుంటాడని అభిమానులు ఆశించేలోపే చేదు వార్త వినాల్సి వచ్చింది.

Argentina football legend Diego Maradona dies at age of 60

1986లో అర్జెంటీనాకు ఫుట్‌బాల్‌ ప్రపంచకప్‌ అందించిన మారడోనా.. ప్రస్తుతం అర్జెంటీనా ఫుట్‌బాల్‌ జట్టుకు మేనేజర్‌గా ఉన్నారు. 1960 అక్టోబర్‌ 30న అర్జెంటీనాలో డిగో జన్మించారు. అంతర్జాతీయ ఫుట్‌బాల్‌ క్రీడలో తనదైన ముద్రవేసిన మారడోనా మరణ వార్త తెలిసి అభిమానులు శోకసంద్రంలో మునిగిపోయారు.

అర్జెంటీనా తరఫున 96 మ్యాచ్‌లకు ప్రాతినిధ్యం వహించిన మారడోనా మొత్తం 34 గోల్స్‌ చేశారు. పీలే తర్వాత అంతటి పాపులారిటీ సాధించిన డిగో.. కెరీర్‌ ద్వితీయార్థంలో డ్రగ్స్ కు బానిసయ్యారు. 1991లో డోపింగ్‌ పరీక్షలో పట్టుబడి 15 నెలలు నిషేధానికి గురయ్యారు. నాలుగుసార్లు ఫుట్‌బాల్‌ వరల్డ్‌కప్‌కు ప్రాతినిధ్యం వహించిన మారడోనా 1997లో ప్రొఫెషనల్‌ ఫుట్‌బాల్‌కు రిటైర్మెంట్‌ ప్రకటించారు. 2008లో అర్జెంటీనా జాతీయ జట్టుకు ప్రధాన కోచ్‌గా వ్యవహరించారు. యూఏఈ, మెక్సికో జాతీయ జట్టుకు మేనేజర్‌గా కూడా మారడోనా పనిచేశారు.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+