Adani Foundation: మహిళల ఆర్థిక స్వావలంబన దిశగా అదానీ అడుగు
గ్రామీణ మహిళల జీవితాల్లో వెలుగులు నింపే లక్ష్యంతో అదానీ ఫౌండేషన్ మధ్యప్రదేశ్లో మరో కీలక ముందడుగు వేసింది. శివపురి జిల్లా బదర్వాస్లో అత్యాధునిక సౌకర్యాలతో కూడిన 'అదానీ వికాస్ కేంద్రాన్ని' కేంద్ర మంత్రి జ్యోతిరాదిత్య సింధియా ఘనంగా ప్రారంభించారు. మహిళలకు నైపుణ్య శిక్షణ ఇవ్వడమే కాకుండా, వారిని ఆర్థికంగా స్వతంత్రులను చేయడమే ఈ కేంద్రం ప్రధాన లక్ష్యం.
సుమారు 48,000 చదరపు అడుగుల భారీ విస్తీర్ణంలో ఏర్పాటు చేసిన ఈ కేంద్రంలో 600 అధునాతన కుట్టు యంత్రాలను అమర్చారు. దీని ద్వారా మొదటి విడతలో సుమారు 1,500 మంది గ్రామీణ మహిళలకు వృత్తిపరమైన కుట్టుపనిలో శిక్షణ ఇవ్వనున్నారు. శిక్షణ ముగిసిన వెంటనే వారు అక్కడే ఉత్పత్తి ప్రక్రియలో భాగస్వాములై గౌరవప్రదమైన ఆదాయాన్ని పొందేలా ఈ కేంద్రాన్ని తీర్చిదిద్దారు.
మహిళా 'స్వాభిమాన్' దిశగా..
గౌరవప్రదమైన జీవనోపాధిని మహిళలకు అందించాలన్న ప్రీతి అదానీ దార్శనికతలో భాగంగా.. అదానీ ఫౌండేషన్ తమ ప్రతిష్ఠాత్మక 'స్వాభిమాన్' కార్యక్రమాన్ని మధ్యప్రదేశ్కు విస్తరించింది. దేశవ్యాప్తంగా పది లక్షల మంది మహిళలకు స్థిరమైన ఉపాధి కల్పించాలనే లక్ష్యంతో ఈ ప్రాజెక్ట్ సాగుతోంది. బదర్వాస్లోని ఈ కేంద్రం కేవలం ఒక భవనం కాదు, వేలాది కుటుంబాల ఆదాయాన్ని పెంచి, వలసలను నిరోధించే ఒక ఆర్థిక చోదక శక్తి అని ఫౌండేషన్ పేర్కొంది.
నైపుణ్యం టు మార్కెట్: జ్యోతిరాదిత్య సింధియా ప్రశంసలు..
ఈ ప్రారంభోత్సవంలో పాల్గొన్న జ్యోతిరాదిత్య సింధియా 5,000 మందికి పైగా మహిళలను ఉద్దేశించి ప్రసంగించారు. "స్థానిక మహిళల నైపుణ్యాలను గ్లోబల్ మార్కెట్లతో అనుసంధానించడం ద్వారా వారిలో ఆత్మవిశ్వాసం పెరుగుతుంది. గ్రామీణ ప్రాంతాల్లో ఇటువంటి వికాస కేంద్రాలు రావడం వల్ల ఆర్థిక వలసలు తగ్గుతాయి" అని ఆయన కొనియాడారు.
మూడు దశాబ్దాల సామాజిక ప్రయాణం..
అదానీ ఫౌండేషన్ 30వ వార్షికోత్సవానికి చేరుకుంటున్న తరుణంలో ఈ కేంద్రాన్ని ప్రారంభించడం విశేషం. కేవలం మౌలిక సదుపాయాలు కల్పించడమే కాకుండా, శిక్షణ మరియు మార్కెట్ అవకాశాలను ఒకే చోట చేర్చడం ద్వారా మహిళా సాధికారతకు పునాదులు వేస్తున్నామని ఫౌండేషన్ సీఈఓ డాక్టర్ అభిషేక్ లఖ్తాకియా తెలిపారు. దీనివల్ల మహిళలు తమ కుటుంబాల్లో మరియు సమాజంలో నిర్ణయాత్మక పాత్ర పోషిస్తారని ఆయన నొక్కి చెప్పారు.
Click it and Unblock the Notifications
Sign in with Google