నిలకడలేని బంగారం ధరలతో రిస్క్ రెట్టింపు: నేడు మళ్లీ.. !!

Published: Wednesday, August 19, 2026, 10:28 [IST]

అంతర్జాతీయ మార్కెట్ లో నెలకొన్న సంక్లిష్ట పరిస్థితులు, భౌగోళిక రాజకీయ ఆందోళనల నేపథ్యంలో పసిడి ధరల్లో కీలక మార్పులు చోటు చేసుకుంటూ వస్తోన్నాయి. స్థిరత్వాన్ని కోల్పోయాయి. హెచ్చుతగ్గులకు లోనవుతున్నాయి. మొన్నటిదాకా పెరుగుతూ వచ్చిన రేట్లు నేడు భారీగా తగ్గాయి. అమెరికా సెంట్రల్ బ్యాంక్ ఫెడరల్ రిజర్వ్ భవిష్యత్తు వడ్డీ రేట్లపై ఎలాంటి వ్యూహాన్ని అనుసరించబోతుందనే విషయంపై మార్కెట్ వర్గాలు ఎదురుచూస్తోన్నాయి.

మల్టీ కమోడిటీ ఎక్స్ఛేంజ్ లో మంగళవారం నాటి క్లోజింగ్ సెషన్స్ తో పోల్చుకుంటే నేడు 10 గ్రాముల 24 క్యారెట్ల బంగారం ధరలో 920 రూపాయల మేర తగ్గుదల కనిపించింది. 22 క్యారెట్లల్లో 850, 18 క్యారెట్లల్లో 690 రూపాయల వరకు క్షీణత నమోదైంది. పండగ సీజన్ లో బంగారాన్ని కొనుగోలు చేయాలనుకునే వారికి కొంత ఉపశమనాన్ని కల్పించినప్పటికీ.. దీర్ఘకాల పెట్టుబడులు పెట్టిన వారికి శరఘాతంగా పరిణమించింది.

Gold prices in India recorded a decline today in 24K 22K and 18K at MCX change regularly factors

అటు అంతర్జాతీయ కొమెక్స్ మార్కెట్లో కూడా ఇదే పరిస్థితి తలెత్తింది. డిసెంబర్ బంగారం ఫ్యూచర్స్ 0.28 శాతం నష్టపోయి ఔన్స్‌కు 4,450.80 డాలర్ల వద్ద ట్రేడ్ అవుతోంది. స్పాట్ వెండి ధర కూడా భారీగా పతనమైంది. 1.38 శాతం తగ్గి ఔన్స్ వెండి ధర 63.15 డాలర్ల వద్ద నిలిచింది. అమెరికా, ఇరాన్ దేశాల మధ్య కుదిరిన ద్వైపాక్షిక అవగాహన ఒప్పందం (MOU) గడువు ముగియడం, దాని పొడిగింపుపై ఎలాంటి చర్చలు జరగకపోవడం మార్కెట్ వర్గాల్లో ఆందోళనలను మరింత పెంచింది.

Also Read