బంగారం.. తలకిందులుగా తపస్సు చేసినా కొనలేం భయ్యా!!

బంగారం ధరలు నానాటికీ పెరుగుతున్నాయి. ఏ ఒక్క రోజు కూడా అవి తగ్గే సూచనలు కనిపించట్లేదు. వెండిదీ ఇదే పరిస్థితి. పసిడి- వెండి రేట్లు పైపైకి దూసుకెళ్తున్నాయి. ఈ దూకుడు నేడు కూడా కొనసాగింది. అంతర్జాతీయ మార్కెట్ లో ఒక ఔన్స్ బంగారం ధర 5,000 డాలర్లను దాటిపోయింది. దీని ప్రభావం దేశీయ బంగారం అమ్మకాలపై పడింది. పెరుగుతున్న భౌగోళిక-రాజకీయ అనిశ్చితుల నేపథ్యంలో బంగారం ధర రికార్డు స్థాయికి చేరింది.

అంతర్జాతీయ భౌగోళిక రాజకీయ అనిశ్చితి, కేంద్ర బ్యాంకుల నుంచి పెరిగిన డిమాండ్, ఆర్థిక అస్థిరత కారణంగా బంగారం, వెండి ధరలు రికార్డు గరిష్ట స్థాయిలను నమోదు చేశాయి. ఎంసీఎక్స్ లో బంగారం ఫ్యూచర్స్ 1.96 శాతం పెరిగి, రూ. 1,60,789లకు చేరుకున్నాయి. వెండి ఫ్యూచర్స్ 5.62 శాతం ఎగిసింది, కిలో రూ. 3,76,300లకు చేరింది. కామెక్స్ లో బంగారం రెండు శాతానికి పైగా వృద్ధితో ఔన్స్‌కు 5,227.50, వెండి 8.52 శాతం పెరుగుదలతో ఔన్స్‌కు 114.99 డాలర్ల వద్ద ట్రేడ్ అయ్యాయి.

ప్రధాన నగరాల్లో నేటి బంగారం ధరలు (గ్రాముకు)

చెన్నై..

24 క్యారెట్లు- రూ. 16,734, 22 క్యారెట్లు - రూ. 15,330, 18 క్యారెట్లు - రూ. 12,785

ముంబై..

24 క్యారెట్లు - రూ. 16,517, 22 క్యారెట్లు- రూ. 15,140, 18 క్యారెట్లు - రూ. 12,388

బెంగళూరు..

24 క్యారెట్లు - రూ. 16,517, 22 క్యారెట్లు- రూ. 15,140, 18 క్యారెట్లు- రూ. 12,388

హైదరాబాద్..

24 క్యారెట్లు - రూ. 16,517, 22 క్యారెట్లు- రూ. 15,140, 18 క్యారెట్లు- రూ. 12,388

విజయవాడ..

24 క్యారెట్లు - రూ. 16,517, 22 క్యారెట్లు- రూ. 15,140, 18 క్యారెట్లు- రూ. 12,388

విశాఖపట్నం..

24 క్యారెట్లు - రూ. 16,517, 22 క్యారెట్లు- రూ. 15,140, 18 క్యారెట్లు- రూ. 12,388