కుప్పకూలుతున్న బంగారం ధరలు: పండగ సీజన్ లో..!!

గత వారం బంగారం, వెండి ధరల్లో తీవ్ర హెచ్చుతగ్గులు నమోదయ్యాయి. అయిదు ట్రేడింగ్ రోజుల్లో దేశీయ మార్కెట్లో బంగారం ధరలు కాస్త తగ్గుముఖం పట్టగా, మల్టీ కమోడిటీ ఎక్స్ఛేంజ్ (MCX)లో మాత్రం స్వల్పంగా పెరిగాయి. మరోవైపు- వెండి ధరలు ఈ రెండు ట్రేడింగ్ మార్కెట్లలోనూ గణనీయమైన మార్పులను చవిచూశాయి. ఇండియన్ బులియన్ జ్యువెలర్స్ అసోసియేషన్ వెబ్‌సైట్ ప్రకారం గత అయిదు ట్రేడింగ్ రోజుల్లో బంగారం ధరలు తగ్గాయి.

ఈ నెల 12వ తేదీ సాయంత్రం మార్కెట్ ముగిసే సమయానికి 10 గ్రాముల 24 క్యారెట్ల బంగారం ధర రూ. 1,32,710 ఉండగా, 19న శుక్రవారం సాయంత్రం నాటికి ఇది రూ. 1,31,779కి తగ్గింది. వారం రోజుల్లో 10 గ్రాముల బంగారం ధర రూ. 931 తగ్గింది. మల్టీ కమోడిటీ ఎక్స్ఛేంజ్ (MCX)లో గత వారం స్వల్ప పెరుగుదల నమోదైంది. 12న గోల్డ్ ఫ్యూచర్స్ ధర 10 గ్రాములకు రూ. 1,33,622 ఉండగా, శుక్రవారం నాటికి రూ. 1,34,206 వద్ద ముగిసింది. ఈ లెక్కన MCXలో వారం రోజుల్లో 10 గ్రాముల బంగారం ధర రూ. 584 పెరిగింది.

దేశీయ మార్కెట్లో 10 గ్రాముల 24 క్యారెట్ల బంగారం ధర రూ. 1,31,779, 22 క్యారెట్లు రూ. 1,28,620, 18 క్యారెట్లు ధర రూ. 1,06,740లుగా నమోదైంది. అదే సమయంలో వెండి ధరలు మాత్రం రికార్డులు నెలకొల్పాయి. MCXలో గత వారంలో వెండి ధరలు పాత రికార్డులన్నింటినీ బద్దలు కొట్టి రూ. 2,00,000ను అధిగమించాయి. శుక్రవారం స్వల్పంగా తగ్గినప్పటికీ, ఈ మొత్తం నుంచి దిగట్లేదు. డిసెంబర్ 12న కిలో వెండి ఫ్యూచర్స్ ధర రూ. 1,92,851 ఉండగా, 19న శుక్రవారం నాటికి 439 తగ్గింది. అయినప్పటికీ దీని ధర రూ 2,08,000లకు పైమాటే. వారం రోజుల్లో కిలో వెండి ధర రూ. 15,149 మేర పెరిగింది.

ప్రధాన నగరాల్లో నేటి బంగారం ధరలు (గ్రాముకు)

చెన్నై..

24 క్యారెట్లు- రూ. 13,528, 22 క్యారెట్లు - రూ. 12,400, 18 క్యారెట్లు - రూ. 10,345

ముంబై..

24 క్యారెట్లు - రూ. 13,418, 22 క్యారెట్లు- రూ. 12,300, 18 క్యారెట్లు - రూ. 10,064

బెంగళూరు..

24 క్యారెట్లు - రూ. 13,418, 22 క్యారెట్లు- రూ. 12,300, 18 క్యారెట్లు- రూ. 10,064

హైదరాబాద్..

24 క్యారెట్లు - రూ. 13,418, 22 క్యారెట్లు- రూ. 12,300, 18 క్యారెట్లు- రూ. 10,064

విజయవాడ..

24 క్యారెట్లు - రూ. 13,418, 22 క్యారెట్లు- రూ. 12,300, 18 క్యారెట్లు- రూ. 10,064

విశాఖపట్నం..

24 క్యారెట్లు - రూ. 13,418, 22 క్యారెట్లు- రూ. 12,300, 18 క్యారెట్లు- రూ. 10,064

English summary

Following the strength in the Indian Rupee against the US Dollar on the weekend sessions, gold rates in India witnessed sharp selling.