కుదేల్ చేస్తోన్న బంగారం ధరలు

Updated: Wednesday, February 11, 2026, 18:52 [IST]

దేశీయ బులియన్ మార్కెట్‌లో బంగారం, వెండి ధరలు మరోసారి పెరిగాయి. మల్టీ కమోడిటీ ఎక్స్ఛేంజ్ (MCX)లో ఈ ఉదయం సుమారు ఒక శాతం మేర పెరుగుదల కనిపించింది. 10 గ్రాములకు 1,57,975 రూపాయలకు చేరింది. అదే సమయంలో వెండి ధర 3.12 శాతం పెరిగింది. కిలోకు 2,60,433 రూపాయలకు ఎగబాకింది. స్పాట్ మార్కెట్‌లో వెండి కిలోకు సుమారు 2,60,500లకు ట్రేడ్ అవుతోంది. డాలర్ బలపడటం, అమెరికా మార్కెట్ స్థితిగతులు దీన్ని ప్రభావితం చేస్తోన్నాయి.

దేశంలోని ప్రధాన నగరాల్లో బంగారం ధరలను పరిశీలిస్తే- ఢిల్లీ, జైపూర్ నగరాల్లో 22 క్యారెట్ల బంగారం 10 గ్రాములకు 1,45,000, 24 క్యారెట్లు 1,58,560 రూపాయలుగా నమోదైంది. అహ్మదాబాద్‌లో 22 క్యారెట్ల బంగారం రూ. 1,45,300, 24 క్యారెట్లు రూ. 1,58,460 పలుకుతోంది. పూణే, ముంబై, హైదరాబాద్, చెన్నై, బెంగళూరు, కోల్‌కతా నగరాల్లో 22 క్యారెట్ల బంగారం 10 గ్రాములకు రూ. 1,45,250 చొప్పున, 24 క్యారెట్లు రూ. 1,58,410 చొప్పున లభిస్తోంది.