2018లో బడ్జెట్: చమురు సంస్థలతో ప్రభుత్వ బంధానికి తెగదెంపులే!
న్యూఢిల్లీ: అసలే ఇది ఎన్నికల ఏడాది. మరో నాలుగు నెలల్లో నాలుగు, ఈ ఏడాది చివరిలో మరో నాలుగు రాష్ట్రాల అసెంబ్లీలకు అటుపై లోక్సభ ఎన్నికలకు వెళ్లాల్సిన తరుణం వచ్చేసింది. కానీ ఎన్నికల వేళ ప్రజాకర్షక విధానాలు అమలు చేయాల్సిన తప్పనిసరి బాధ్యత ప్రభుత్వానిది. అందునా గతేడాది జూలై ఒకటో తేదీ నుంచి జీఎస్టీ అమలులోకి వచ్చిన తొలి బడ్జెట్ ఇది. 2017 - 18లో ద్రవ్యలోటు 3.2 శాతంగా ఉంటుందని అంచనా వేస్తున్నారు.
జీఎస్టీ అమలుతో వివిధ వర్గాలు, రంగాల నుంచి వచ్చే రెవెన్యూ వసూళ్లు భారీగా తగ్గుముఖం పట్టాయి. ఈ నేపథ్యంలో తగ్గే ఆదాయ లోటును పూడ్చేసేందుకు ప్రభుత్వానికి పెట్టుబడుల ఉపసంహరణ ఒక తారక మంత్రంగా, కల్పతరువుగా, కామధేనువుగా మారనున్నది. కాగా ఈ ఏడాది రూ.91,252.6 కోట్ల మేరకు ఆదాయం పొందాలని కేంద్రం లక్ష్యంగా పెట్టుకున్నది. ప్రారంభంలోనే బిగ్ టికెట్ చేపట్టాలని నిర్ణయించుకున్నట్లు తెలుస్తోంది.
హెచ్పీసీఎల్లో రూ.36,915 కోట్ల ఉపసంహరణకు ఇలా ప్లాన్
హెచ్పీసీఎల్లో రూ.36,915 కోట్ల పెట్టుబడులు ఉపసంహరించాలని సంకల్పించారు. తాజాగా సవరించిన అంచనాల ప్రకారం హెచ్పీసీఎల్లో ప్రభుత్వ 51 శాతం వాటా రూ.36,915 కోట్ల పెట్టుబడులను ఓఎన్జీసీ స్వాధీనం చేసుకోనున్నట్లు తెలిపింది. అప్పుల రూపేణా రూ.20 వేల కోట్ల ఆదాయం సమకూర్చుకోనున్నట్లు ప్రకటించింది. ప్రస్తుత ఆర్థిక సంవత్సరంలో రూ.72,500 కోట్ల పెట్టుబడులు ఉపసంహరించడం లక్ష్యంగా పెట్టుకుంటే రూ.54,337.60 కోట్ల మేరకు కేంద్రం ఆదాయం పొందింది.
గతేడాది హడ్కో తదితర సంస్థల్లో రూ.54,337 కోట్లు ఉపసంహరణ
సీపీఎస్ఈల్లో పెట్టుబడుల ఉపసంహరణ ద్వారా రూ.46,500 కోట్లు, లిస్టెడ్ బీమా సంస్థల్లో వ్యూహాత్మకంగా పెట్టుబడుల ఉపసంహరణ ద్వారా రూ.11 వేల కోట్ల ఆదాయం పొందింది. దీనివల్ల హడ్కో, ఈఐఎల్, ఎన్టీపీసీ, నాల్కో, ఆయిల్, జీఐఎసీ, న్యూ ఇండియా ఇన్సూరెస్స్ సంస్థల్లో ప్రభుత్వ వాటా తగ్గుముఖం పట్టింది. 2016 - 17 ఆర్థిక సంవత్సరంలో రూ.56,500 కోట్ల పెట్టుబడుల ఉపసంహరణ లక్ష్యం నిర్దేశించుకున్న ప్రభుత్వం రూ.46,247 కోట్ల పెట్టుబడులు ఉపసంహరించుకున్నది.
-
తులా రాశి, వృశ్చిక రాశి ఏప్రిల్ నెల జాతక ఫలం -
PM Modi: అన్నింటికీ సిద్దం అయిపోండి..! ప్రధాని మోడీ షాకింగ్ పిలుపు..! -
బంగారం ధరలు అధోగతి- కనీవినీ ఎరుగనంత పతనం -
సికింద్రాబాద్ స్టేషన్ సిద్దం, ప్రధాని మోదీ ప్రారంభం - ముహూర్తం ఫిక్స్..!! -
ఇరాన్ ను లేపేద్దాం రండి: ప్రపంచ దేశాలకు నెతన్యాహు పిలుపు -
మహేష్ బాబు కాకుండా ఆ హీరో అంటే చాలా ఇష్టం - కృష్ణ -
క్రికెట్ రాజకీయాలకు బలైన రియల్ లైఫ్ 'ధురంధర్' ఆదిత్య ధర్! -
విజయ్ సంచలనం.. టీవీకే అభ్యర్థుల ఫుల్ జాబితా విడుదల.. -
తులారాశి వార్షిక ఫలం 2026-27: ఈ ఏడాది వీరికి తిరుగేలేదు.. ఈ విషయంలో జాగ్రత్త! -
మకరరాశి వార్షిక జాతకం ఇలా.. ఈ ఏడాది విశేష లాభాలు! -
రైతు భరోసా నిధులు జమ కాలేదా, ఇలా చేయండి- వెంటనే..!! -
India Post GDS 2nd merit list 2026: పోస్టల్ జాబ్స్ సెకండ్ మెరిట్ లిస్ట్ పై అప్డేట్..!
Click it and Unblock the Notifications
Sign in with Google