పండుగ ఆఫర్: రూ.2,499కే స్కూటర్ మీ సొంతం!

పండుగ సీజన్ ను పురస్కరించుకుని ప్రముఖ ద్విచక్ర వాహనాల తయారీ సంస్థ యమహా ఇండియాలోని తమ మోటార్ సైకిళ్లు, స్కూటర్లపై ఆకర్షణీయమైన ప్రమోషనల్ ఆఫర్లను ప్రకటించింది. ఈ స్కీమ్ ద్వారా వినియోగదారులు తక్కువ డౌన్ పేమెంట్, ఇన్సూరెన్స్ ప్రయోజనాలతో కొత్త వాహనాన్ని ఇంటికి తీసుకెళ్లవచ్చు. ఈ ఆఫర్లు దేశవ్యాప్తంగా ఉన్న అన్ని అధికారిక యమహా డీలర్‌షిప్‌లలో అందుబాటులో ఉన్నాయి.

125 సీసీ స్కూటర్లపై డిస్కౌంట్లు
యమహా కంపెనీ తమ అత్యంత ప్రజాదరణ పొందిన ఫాసినో 125, రేజెడ్ఆర్ 125 హైబ్రిడ్ స్కూటర్లపై ప్రత్యేక ప్రయోజనాలను కల్పిస్తోంది. ఈ రెండు స్కూటర్లను కేవలం రూ.2,499 కనీస డౌన్ పేమెంట్‌తో కొనుగోలు చేయవచ్చు. వీటి కొనుగోలుపై రూ.3,399 విలువైన ఉచిత ఇన్సూరెన్స్ ప్రయోజనాలు లభిస్తాయి. యమహా ఫాసినో 125 ప్రారంభ ఎక్స్-షోరూమ్(ఢిల్లీ) ధర రూ.78,980 కాగా.. రేజెడ్ఆర్ 125 ప్రారంభ ఎక్స్-షోరూమ్ ధర రూ.80,680గా ఉంది.

150సీసీ, 155సీసీ మోటార్ సైకిళ్లపై పండుగ ఆఫర్లు
యమహా తమ మోటార్‌సైకిల్ పోర్ట్‌ఫోలియోలోని FZ, XSR, R15, MT-15 మోడళ్లపై కూడా ప్రత్యేక ఫైనాన్స్ ఆప్షన్లను అందిస్తోంది. యమహా FZ సిరీస్ మోడళ్ల కొనుగోలుపై వినియోగదారులు రూ.5,999 వరకు ఇన్సూరెన్స్ ప్రయోజనాలను పొందవచ్చు. ఈ బైకులకు కనీస డౌన్ పేమెంట్ రూ.3,900గా నిర్ణయించారు. యమహా XSR 155 మోడల్ పై రూ.5,555 వరకు ఇన్సూరెన్స్ ప్రయోజనాలతో పాటు కనీసం రూ.4,999 డౌన్ పేమెంట్ ఆఫర్ అందుబాటులో ఉంది. యూత్ ఐకాన్ గా నిలిచిన యమహా R15, MT-15 మోడల్ స్పోర్ట్స్ బైకులను కూడా కేవలం రూ.4,999 కనీస డౌన్ పేమెంట్ చెల్లించి సొంతం చేసుకోవచ్చు. కొత్త వెహికల్ కొనుగోలు చేయాలనుకునే వారికి ఈ పండుగ సీజన్ సరసమైన ఫైనాన్స్ ఆప్షన్లను అందిస్తోంది.

English summary

Yamaha Festive Offers, Yamaha India announces attractive festive offers, low down payments, and insurance benefits on popular scooters and bikes like Fascino, RayZR, FZ, and R15.