Hyderabad: ఆ దేశం వెళ్లే వారికి శుభవార్త చెప్పిన ఇండిగో..
ప్రముఖ వినానయాన సంస్థ ఇండిగో హైదరాబాద్ వాసులకు శుభవార్త చెప్పింది. ఫిబ్రవరి 26, 2024 నుంచి హైదరాబాద్ నుంచి బ్యాంకాక్ మధ్య డైరెక్ట్ విమానాలు నడపనున్నట్ల ఇండిగో ప్రకటించింది. ఆగ్నేయాసియా ప్రాంతంతో క్యారియర్ కనెక్టివిటీని మరింత విస్తరించే దిశగా ఈ సర్వీసులు ప్రారంభించబోతున్నట్లు పేర్కొంది. బ్యాంకాక్ కు డైరెక్టు విమానం నడిపే మొదటి భారతీయ విమానయాన సంస్థ ఇండిగోనని పేర్కొంది
హైదరాబాద్ అంతర్జాతీయ ప్రయాణాలకు కీలకమైన కేంద్రంగా మారినందున అంతర్జాతీయ గమ్యస్థానాలకు హైదరాబాద్ కనెక్టివిటీ మరింత విస్తరించింది. గ్లోబల్ ఏవియేషన్ నెట్వర్క్లో ప్రాథమిక సభ్యునిగా దాని హోదాను పటిష్టం చేసుకుంటూ, కేవలం ఒక సంవత్సరంలోనే ఎనిమిది ప్రపంచ గమ్యస్థానాల నుంచి 14 ప్రపంచ గమ్యస్థానాలకు తన గ్లోబల్ కనెక్టివిటీని పెంచుకుంది. ముఖ్యంగా ఇండిగో ఎయిర్లైన్స్ ఇప్పటికే ఢిల్లీ, ముంబై, బెంగళూరు, భువనేశ్వర్, కోల్కతాతో సహా ప్రధాన భారతీయ నగరాలను బ్యాంకాక్కు అనుసంధానించే బలమైన నెట్వర్క్ను కలిగి ఉంది.
ఇండిగో ఈ కొత్త మార్గాలతో భారత్, బ్యాంకాక్ మధ్య మొత్తం 37 వారపు విమానాలను నడుపుతుంది. అదే సమయంలో థాయ్ రాజధానితో నేరుగా విమానం నడిచే ఆరో భారతీయ నగరంగా హైదరాబాద్ నిలవనుంది. "ఆగ్నేయాసియా అంతటా ప్రాప్యతను మెరుగుపరచాలనే మా దృష్టికి అనుగుణంగా, హైదరాబాద్ నుంచి బ్యాంకాక్ వరకు మా కార్యకలాపాలను ప్రకటించినందుకు మేము చాలా సంతోషిస్తున్నాము" అని ఇండిగోలోని గ్లోబల్ సేల్స్ హెడ్, మిస్టర్ వినయ్ మల్హోత్రా అన్నారు.
Click it and Unblock the Notifications
Sign in with Google