సూట్ కేసులో మృతదేహం.. చీరలో చుట్టి కుక్కేశారు..

తెరిచి ఉంచిన సూట్ కేసులో మృతదేహాన్ని ఓ చీరలో చుట్టి లోక్ మాన్య తిలక్ టెర్మినస్ సమీపంలో విసిరేసి వెళ్లిపోయారు.

ముంబై: లోక్ మాన్య తిలక్ టెర్మినస్ సమీపంలో ఆదివారం నాడు రాత్రి ఓ సూట్ కేసులో గుర్తు తెలియని మృతదేహం లభ్యమైంది. తెరిచి ఉంచిన ఆ సూట్ కేసులో మృతదేహాన్ని ఓ చీరలో చుట్టిపెట్టారు. స్థానికులు ఇచ్చిన సమాచారం మేరకు తిలక్ నగర్ పోలీసులు సంఘటనా స్థలాన్ని పరిశీలించి.. మృతదేహాన్ని పోస్ట్ మార్టమ్ కు పంపించారు.

సునీత గుప్తా అనే స్థానికురాలు దీనిపై స్పందించారు.' కాస్త ప్రశాంతత కోసం నేనలా నడుస్తూ వెళ్తుంటే.. నాకో పెద్ద సూట్ కేసు కనిపించింది. ఏంటా అని దగ్గరికెళ్లి చూస్తే.. అందులో ఓ మృతదేహాం కనిపించింది. వెంటనే పోలీసులకు సమాచారం అందించాను' అని సునీత పేర్కొన్నారు.

పోలీసుల తెలిపిన వివరాల ప్రకారం.. ఓ ఎర్రచీరలో చుట్టబడిన మృతదేహాన్ని సూట్ కేసులో పెట్టి తీసుకొచ్చిన గుర్తు తెలియని వ్యక్తులు లోక్ మాన్య టెర్మినస్ పార్సిల్ విభాగం వెనుకవైపు దాన్ని విసిరేశారు. అది నిర్మానుష్య ప్రాంతం కావడంతో ఎవరూ అంతగా గమనించలేదు.

మృతదేహాన్ని పరిశీలించిన పోలీసులు.. మృతుడు 10ఏళ్ల లోపు బాలుడే అయి ఉంటాడన్న ప్రాథమిక అంచనాకు వచ్చారు. మృతదేహాంపై ఎటువంటి గాయాలు లేవని తెలిపారు. మృతదేహాం కుళ్లిపోకపోవడంతో.. హత్య జరిగింది గడిచిన 48గం.ల్లోనే అని పోలీసులు అనుమానిస్తున్నారు. తిలక్ టెర్మినస్ పార్సిల్లో వచ్చిన ఈ మృతదేహాన్ని వెనుకవైపు విసురుంటారా? అన్న కోణంలోను దర్యాప్తు చేస్తున్నారు.

English summary

The body of an unidentified boy was found in a suitcase on Sunday evening near Lokmanya Tilak Terminus, Kurla. The body was wrapped in a saree and the suitcase was open. It was noticed by a resident who alerted the cops. Tilak Nagar Police has registered Accidental Death Report (ADR) and sent the body for a post-mortem.