కంగారు పెట్టిస్తోన్న కరోనా.. కొత్త కేసులు 16 వేలు.. కేరళలో మరణాలు ఎక్కువ

కరోనా కేసులు పెరుగుతూనే ఉన్నాయి. గత నెల నుంచి కేసుల సంఖ్య ఎక్కువ అవుతుంది. గత 24 గంటల్లో దేశ వ్యాప్తంగా 16 వేల 103 కొత్త కేసులు వచ్చాయి. మొన్నటితో పోలిస్తే 2,143 కేసులు ఎక్కువ వచ్చాయి. దేశంలో యాక్టివ్ కేసుల సంఖ్య లక్ష 11 వేల 711కి చేరింది. దేశ వ్యాప్తంగా ఇప్పటివరకు నమోదైన కేసుల సంఖ్య 4,35,02,429కి చేరింది. రోజువారి పాజిటివిటీ రేటు 4.27 శాతంగా ఉండగా.. ఈ వారంలో పాజిటివిటీ రేటు 3.81 శాతంగా నమోదైంది.

గత 24 గంట్లలో కరోనా సోకిన 31 మంది మరణించారు. వీరిలో ఒక్క కేరళలోనే 14 మంది మృతి చెందారు. మహారాష్ట్రలో ఐదుగురు చనిపోయారు. దేశంలో కరోనా మరణాల సంఖ్య 5 లక్షల 21 వేల 199కి చేరుకుంది. మరణాల రేటు 1.21 శాతంగా ఉంది. కరోనా మరణాల్లో 70 శాతం మంది ఇతర దీర్ఘ కాలిక వ్యాధులతో బాధ పడుతున్నారని కేంద్ర ఆరోగ్య శాఖ తెలిపింది. ఇదీ కాస్త ఊరట కలిగించే అంశం. సెకండ్ వేవ్‌లో వయస్సుతో సంబంధం లేకుండా మరణాలు జరిగాయి.

కరోనా నుంచి ఇప్పటిదాకా 4 కోట్ల 28 లక్షల 65 వేల 519 మంది కోలుకున్నారు. రికవరీ రేటు 98.54 శాతంగా ఉంది. దేశంలో ఇప్పటిదాకా 197.955 కోట్ల కరోనా వ్యాక్సిన్ డోసులను పంపిణీ చేశామని కేంద్ర ఆరోగ్య శాఖ వెల్లడించింది. దాదాపుగా అందరూ రెండు డోసులు తీసుకున్నారు. బూస్టర్ డోసు కూడా ఎక్కువ మందే తీసుకున్నారు. దీని వల్లే కేసులు పెరుగుతున్న తీవ్రత ఆ స్థాయిలో లేదు. మరణాలు సంభవిస్తోన్న వారికి దీర్ఘకాలిక వ్యాధులు ఉన్నాయి. ఈ విషయాన్ని వైద్యారోగ్యశాఖ తెలియజేసింది. సో మిగతావారు మాస్కులు పెట్టుకుని జాగ్రత్తగా ఉంటే సరిపోతుంది. శానిటైజర్ కూడా వాడాల్సి ఉంటుంది. కానీ ఇప్పుడు అంతా కలియ తిరుగుతున్నారు.

English summary

16 thousand new corona virus cases found in india last 24 hours.