అదుపు తప్పిన ఏనుగు: ఉత్సవాల్లో భయోత్పాతం

Kerala: కేరళ ఉత్సవాల్లో అపశృతి చోటు చేసుకుంది. ఓ ఏనుగు అదుపు తప్పింది. భీబత్సాన్ని సృష్టించింది. కనిపించిన వారిని కనిపించినట్టుగా తొక్కిపడేసింది. ఓ భక్తుడిని తొండంతో ఎత్తి అవతలికి విసిరేసింది. ఈ ఘటనలో 17 మందికి గాయాలయ్యాయి. వారిని చికిత్స నిమిత్తం సమీప ఆసుపత్రికి తరలించారు.

మళప్పురం జిల్లాలోని తిరూరు సమీపంలో గల పుథియంగడిలో అర్ధరాత్రి దాటిన తరువాత ఈ ఘటన చోటు చేసుకుంది. సమాచారం అందిన వెంటనే పోలీసులు సంఘటన స్థలానికి చేరుకున్నారు. సహాయక చర్యలు చేపట్టారు. గాయపడ్డ వారిని ఆసుపత్రికి తరలించారు. వారిలో ఒకరి పరిస్థితి ఆందోళనరకంగా ఉన్నట్లు తెలుస్తోంది.

పుథియంగడిలో నేర్చా ఉత్సవాన్ని నిర్వహించారు స్థానికులు. మంగళవారం రాత్రి ఈ ఉత్సవం ఆరంభమైంది. జిల్లాలోని పలు ప్రాంతాల నుంచి పెద్ద సంఖ్యలో ఈ వేడుకలకు హాజరయ్యారు. రాత్రంతా జాగారణ ఉంటూ, వేడుకల్లో పాల్గొనడం, ఏనుగులతో ఊరేగింపును నిర్వహించడం ఆనవాయితీ. ఓ జాతరలాగా దీన్ని ఏర్పాటు చేశారు.

వేడుకల్లో భాగంగా అయిదు ఏనుగులను అందంగా అలంకరించారు. ఊరేగింపు కొనసాగుతున్న సమయంలో ఈ అయిదింట్లో పాక్కత్ శ్రీకుట్టన్ అనే ఏనుగు అదుపు తప్పింది. ఒక్కసారిగా భక్తుల గుంపుపైకి దూసుకెళ్లింది. కనిపించిన వారిని కనిపించినట్టే తొక్కుకుంటూ వెళ్లింది. వారిలో ఒకరిని తొండంతో అందిపుచ్చుకుని దూరంగా విసిరేసింది.

#Kerala; An elephant named Pakkathu Sreekuttan ran amok during the Tirur Puthiyangadi festival, triggering chaos and leaving 17 people injured, including one in critical.

The incident occurred around 12:30 AM on the festival's final day. The elephant, reportedly in musth, turned… pic.twitter.com/Shk8jfbeFN

— South First (@TheSouthfirst) January 8, 2025

ఆ సమయంలో మావటి ఏనుగు పైనే ఉన్నప్పటికీ దాన్ని అదుపు చేయలేకపోయాడు. కొద్దిసేపటి తరువాత ఆ ఏనుగు శాంతించింది. ఏనుగు సృష్టించిన బీభత్సానికి ఉత్సవంలో స్వల్పంగా తొక్కిసలాట చోటు చేసుకుంది. సమాచారం అందిన వెంటనే పోలీసులు సంఘటన స్థలానికి చేరుకున్నారు. గాయపడ్డ వారిని కొట్టక్కల్ ఎంఐఎంఎస్ ఆసుపత్రికి తరలించారు.

English summary

At least 17 people were injured when an elephant ran amok during the Puthiyangadi 'nercha' at BP Angadi, Tirur, in Malappuram.