రూ.400 కే హైదరాబాద్ TO గోవా టూర్.. బీచ్​ లో చిల్​ అవ్వండి..!

దేశంలో చాలా టూరిస్టు ప్రాంతాలు ఉన్నాయి. కానీ యువతీయువకులకు మాత్రం గోవానే ఫస్ట్ ఆప్షన్. గోవా పర్యాటకంగా ప్రపంచవ్యాప్తంగా ప్రసిద్ధి చెందింది. ఇక్కడ అద్భుతమైన బీచ్ లు, సముద్రపు వంటకాలు, పోర్చుగీస్ శైలి కట్టడాలు, నైట్ లైఫ్ చాలా ఫేమస్. అత్యంత ప్రజాదరణ పొందిన పర్యాటక ప్రదేశాల్లో గోవా ఒకటి. ఇక సముద్ర తీరాన్ని, బీచ్​ లను ఆస్వాదించాలి అనుకునేవారు ఒక్కసారైనా గోవా వెళ్లిరావాలని అనుకుంటారు. అయితే గోవాకు విమానంలో కాకుండా ట్రైన్ లో అతి తక్కువ ధరకే వెళ్లి రావచ్చు. అందుకు సంబంధించిన వివరాలు ఇక్కడ ఉన్నాయి.

సికింద్రాబాద్ రైల్వే స్టేషన్ నుంచి గోవాలోని మడ్గావ్ నగరానికి 17039 SC VSG EXPRESS పేరుతో రైలు నడుస్తోంది. ఈ రైలు ప్రతి మంగళ, బుధ, గురు, శుక్రవారాల్లో అందుబాటులో ఉంటుంది. ఈ రైలులో దాదాపు 19 గంటలు ప్రయాణం చేసిన తర్వాత గోవా చేరుకుంటుంది. ఈ రైలులో మొత్తం నాలుగు రకాల సీట్లు అందుబాటులో ఉన్నాయి. ఫస్ట్ క్లాస్ ఏసీ కోచ్ లో టికెట్ ధర రూ.2,795 గా ఉంది. అలాగే సెకండ్ క్లాస్ ఏసీ కోచ్ టికెట్ ధర రూ. 1,665 గా ఉంది.

ఇక 3ఏ క్లాస్ టికెట్ ధర రూ. 1160 గా ఉంది. అలాగే 3ఈ క్లాస్ టికెట్ ధర రూ. 1075 గా ఉంది. ఇక స్లీపర్ కోచ్ టికెట్ ధర రూ. 430 గా ఉంది. స్లీపర్ కోచ్ లో ప్రయాణించే వారు కేవలం రూ. 400 లకే గోవా టూర్ కంప్లీట్ చేసే అవకాశం ఉంది. మడ్గావ్ లో దిగిన తర్వాత అక్కడినుంచి మిగతా పర్యాటక ప్రాంతాలు, బీచ్ లు సమీప దూరంలోనే అందుబాటులో ఉంటాయి. కొల్వా ప్రాంతం మడ్గావ్ కు కేవలం 7 కిలోమీటర్ల దూరంలో ఉంటుంది. అలాగే బెనౌలిమ్ ప్రాంతం మడ్గావ్ కు 10 కిలోమీటర్ల దూరంలో ఉంటుంది. గోవాలో ఫేమస్ అయిన దూద్ సాగర్ వాటర్ ఫాల్స్ ను కూడా సందర్శించొచ్చు.