పెళ్లి పేరు చెప్పి అమ్మాయిపై అమెరికా పైలట్ రేప్
న్యూఢిల్లీ: పెళ్లి చేసుకుంటానని హామీ ఇచ్చి అమెరికా పైలట్ తనపై అత్యాచారం చేశాడని 26 ఏళ్ల మహిళ ఆరోపించింది. ఈ విషయాన్ని పోలీసులు వర్గాలు చెప్పినట్లు జాతీయ మీడియాలో వార్తలు వచ్చాయి. ఇరువురికి తెలిసిన వ్యక్తి పైలట్ను తనకు పరిచయం చేశారని, ఆ వ్యక్తి ఎయిర్ హోస్టెస్గా పనిచేస్తున్నారని ఆ అమ్మాయి తన ఫిర్యాదులో తెలిపింది.
నాలుగేళ్ల క్రితం తమకు పరిచయం ఏర్పడిందని, స్నేహం కుదరగానే అతను తనను పెళ్లి చేసుకుంటానని హామీ ఇచ్చాడని, దాంతో ఇరువురి మధ్య లైంగిక సంబంధం ఏర్పడిందని, ఆ కారణంగా తాను గర్భవతిని అయ్యానని ఆమె చెప్పింది.
పశ్చిమ బెంగాల్కు చెందిన ఆ మహిళ - తాము సహజీవనం చేశామని, ఆ కారణంగా తమకు ఓ కూతురు కూడా పుట్టిందని చెప్పింది. పైలట్ ఉద్యోగం మారి సింగపూర్కు మారాడని ఆమె పోలీసులకు చెప్పింది. తాను అతన్ని సంప్రదించడానికి ప్రయత్నించి విఫలమైనట్లు తెలిపింది.
ఆ మహిళ ఫిర్యాదు మేరకు సఫ్దర్జంగ్ పోలీసులు కేసు నమోదు చేసుకున్నారు. ఆ వ్యక్తి పనిచేస్తున్నాడని చెబుతున్న ఎయిర్లైన్స్ను పోలీసులు సంప్రదించారు.