DRDO: కూలిపోయిన డీఆర్డీఓ డ్రోన్.. వైరల్ అవుతోన్న వీడియోలు..

డిఫెన్స్ రీసెర్చ్ డెవలప్‌మెంట్ ఆర్గనైజేషన్ (డిఆర్‌డిఓ) అభివృద్ధి చేసిన మానవరహిత వైమానిక వాహనం (యుఎవి) కుప్పకూలిపోయింది. ఆదివారం కర్ణాటకలోని చిత్రదుర్గ జిల్లా హరియూర్‌ తాలుకాలోని వడ్డికెరె గ్రామంలోని పొలాల్లో డ్రోన్ కూలిపోయింది. TAPAS ప్రయోగాత్మక UAV క్రాష్ తర్వాత విరిగిపోయింది. దాని పరికరాలు మైదానంలో చెల్లాచెదురుగా ఉన్నట్లు వీడియోలు కనిపించింది.

పెద్ద శబ్ధంతో యూఏవీ కూలిపోవడంతో గ్రామస్థులు పెద్ద సంఖ్యలో అక్కడికి చేరుకుని స్థానిక అధికారులకు సమాచారం అందించారు. వైమానిక నిఘా కోసం వ్యూహాత్మక ఎయిర్‌బోర్న్ ప్లాట్‌ఫారమ్-బియాండ్ హారిజన్-201 లేదా తపస్ BH-201 అనేది చాలా కాలం పాటు ఉండే మానవరహిత వైమానిక వాహనాన్ని రూపొందించారు. డ్రోన్ కూలిపోయిన దృశ్యాలు సోషల్ మీడియాలో వైరల్‌గా మారాయి. డీఆర్‌డీవో డ్రోన్ ను పరీక్షిస్తుండగా కూలిపోయినట్లు రక్షణ శాఖ అధికారులు చెప్పారు.

ఈ ప్రమాదం గురించి రక్షణ శాఖకు సమాచారం అందించినట్లు తెలిపారు. డ్రోన్‌ కూలిపోవడానికి గల కారణాలను విశ్లేషిస్తున్నట్లు వివరించారు. మేలో భారత వైమానిక దళానికి చెందిన మిగ్-21 యుద్ధ విమానం రాజస్థాన్‌లోని హనుమాన్‌ఘర్ లో కుప్పకూలిపోయింది. విమానం కూలడంతోఇద్దరు మహిళలు మృతి చెందారు. గాయపడిన పైలట్ ఆసుపత్రికి తరలించారు. అంతుకు ముందు ఆర్మీకి చెందిన హెలికాప్టర్లు కూడా కూలిపోయాయి. అరుణాచల్ ప్రదేశ్ లోని అప్పర్ సియాంగ్ జిల్లాలో పర్వత ప్రాంతాల్లో ఆర్మీ హెలికాప్టర్ కూలిపోయింది.

English summary

An unmanned aerial vehicle (UAV) developed by the Defense Research Development Organization (DRDO) has crashed. A drone crashed in the fields of Vaddikere village in Hariyur taluka of Chitradurga district in Karnataka on Sunday.