కూతురుపై రేప్: నిందితుడి చేతులు నరికేశాడు

బాటిండా: ఓ తండ్రి తన ప్రతీకారాన్ని తీర్చుకున్నాడు. తన కూతురుపై పాశవికంగా అత్యాచారానికి పాల్పడిన నిందితుడి కాళ్లు విరిచి, చేతులు నరికేశాడు. ఈ ఘటన పంజాబ్ రాష్ట్రంలోని బటిండాలో చోటు చేసుకుంది.

వివరాల్లోకి వెళితే.. 2014లో తన 8 నెలల కుమార్తెపై అత్యాచారం చేసినట్లు నిందితుడి(17)పై ఆరోపణలు ఉన్నాయి. కోర్టులో కేసు నడుస్తోంది. ఈనేపథ్యంలో బాలిక తండ్రి ప్రతీకార దాడి చేశాడు.

రాజీ కుదుర్చుకుందామని నిందితుడిని బాలిక తండ్రి పక్కకు తీసుకెళ్లాడు. ఆ తర్వాత అతడ్ని చెట్టుకు కట్టేశాడు. కాళ్లు విరగ్గొట్టి, కత్తితో నిందితుడి రెండు చేతులు నరికేశాడు.

తీవ్ర గాయాలపాలైన నిందితుడు ప్రస్తుతం ఆస్పత్రిలో చికిత్స పొందుతున్నాడు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. నిందితుడిపై దాడికి పాల్పడిన బాధితురాలి తండ్రిని పోలీసులు అదుపులోకి తీసుకున్నట్లు తెలిసింది.

English summary

In a bid to take revenge for the rape of his eight-month-old daughter, the father of the victim on Tuesday chopped off both the hands of the 17-year-old accused in Punjab’s Bhatinda district.