ప్రముఖ టీవీ చానల్ ఎడిటర్ మీద లైంగిక వేధింపుల ఆరోపణలు, మహిళ రిపోర్టర్లు ఫిర్యాదు, రాజీనామా !

న్యూఢిల్లీ: ప్రముఖ TV 9 నెట్ వర్క్ (TV9 Bharatvarsh) చానల్ సీనియర్ ఎడిటర్ మీద లైంగిక వేధింపుల ఆరోపణలు రావడంతో ఆయన ఆ పదవికి రాజీనామా చేశారు. TV 9 చానల్ లో ఉద్యోగం చేస్తున్న ఇద్దరు సీనియర్ మహిళా రిపోర్టులు తమ సంస్థ యాజమాన్యానికి అదే సంస్థ సీనియర్ ఎడిటర్ తమ మీద లైంగిక వేధింపులు చేశారని ఆరోపిస్తూ ఫిర్యాదులు చేశారు. TV9 చానల్ సీనియర్ ఎడిటర్ మీద లైంగిక ఆరోపణలు రావడంతో మీడియాలో రంగం ఉలిక్కిపడింది.

TV 9 భారత్ వర్ష సంస్థ

TV 9 భారత్ వర్ష చానల్ సంస్థలో పని చేస్తున్న చోట ఇద్దరు సీనియర్ మహిళా రిపోర్టర్ల మీద ఆ సంస్థ సీనియర్ ఎడిటర్ లైంగిక వేధింపులకు పాల్పడ్డారని ఆరోపణలు వచ్చాయి. మహిళా ఉద్యోగులు టీవీ చానల్ యాజమాన్యానికి ఫిర్యాదు చెయ్యడంతో ఆ సంస్థ విచారణ విభాగం అధికారులు దర్యాప్తు చేపట్టారు.

ఎడిటర్ కు లాంగ్ లీవ్

సీనియర్ మహిళ రిపోర్టర్ల మీద లైంగిక వేధింపులకు పాల్పడ్డారని ఆరోపణలు ఎదుర్కొంటున్న సీనియర్ ఎడిటర్ ను ఆ సంస్థ యాజమాన్యం లాంగ్ లీవ్ లో పంపించింది. సీనియర్ ఎడిటర్ లాంగ్ లీవ్ లో వెళ్లిన తరువాత టీవీ చానల్ విచారణ కమిటీ అధికారులు విచారణ ముమ్మరం చేశారు.

రాజీనామా చేసిన ఎడిటర్ !

లైంగిక ఆరోపణలతో సంస్థ యాజమాన్యం లాంగ్ లీవ్ లో పంపించడంతో ఆ సంస్థ సీనియర్ ఎడిటర్ తన పదవికి రాజీనామా చేశారు. సీనియర్ ఎడిటర్ రాజీనామాను ఆ సంస్థ యాజమాన్యం వెంటనే అంగీకరించింది. లైంగిక ఆరోపణలు చేసింది సీనియర్ మహిళా రిపోర్టర్లు కావడంతో ఆ సంస్థ యాజమాన్యం ఈ విషయాన్ని సీరియస్ గా తీసుకుందని తెలిసింది.

అందుకే ఇలా చేశాం

మహిళా ఉద్యోగుల రక్షణ, వారి హక్కుల కాపాడటంలో సంస్థ ఎలాంటి పరిస్థితుల్లో రాజీపడదని, అందుకే లైంగిక వేధింపులు వచ్చిన సీనియర్ ఎడిటర్ మీద విచారణ చేపట్టామని, ఆయన రాజీనామా చేసిన వెంటనే తాము అంగీకరించామని టీవీ చానల్ యాజమాన్యం తెలిసింది.

English summary

New Delhi: A senior editor of TV9 Bharatvarsh resigned from the job following complaints of sexual harassment against him by two journalists, the news channel said on Friday.