లావు: 130 మంది ఎయిర్ హోస్టెస్‌లు ఇంటికి

న్యూఢిల్లీ: స్థూలకాయం కలిగిన విమాన సిబ్బంది, ఎయిర్ హోస్టెస్ లను ఎయిర్ ఇండియా సంస్థ ఇంటికి పంపించింది. ఎయిర్ హోస్టెస్ లుగా ఉద్యోగం చేసే వారికి అందంతో పాటు శరీర ఆకారం ముఖ్యమని ఎయిర్ ఇండియా సంస్థ అధికారులు అంటున్నారు.

ఎయిర్ ఇండియా విమానంలో పని చేస్తున్న చాలా మంది రోజు రోజుకు లావుగా తయారైనారు. స్థూలకాయం కలిగిన 600 మంది ఉద్యోగులను ఎయిర్ ఇండియా అధికారులు గుర్తించారు. వారికి వ్యాయామం ద్వార స్థూలకాయాన్ని తగ్గించుకునేందుకు అవకాశం ఇచ్చారు.

ఈ సందర్బంలో చాల మంది కష్టపడి వ్యాయామం చేసి వారి శరరీ బరువు తగ్గించుకుని స్లిమ్ గా తయారైనారు. అయితే 600 మందిలో 130 మంది ఎంత వ్యాయామం చేసినా వారి బరువు తగ్గలేదు.

ఆ 130 మందికి ఎయిర్ ఇండియా సంస్థ ఉద్వాసన పలికింది. వ్యాయామం చేసి స్థూలకాయాన్ని తగ్గించుకునేందుకు వీరికి 18 నెలలు గడువు ఇచ్చామని, అయితే వారి శరీరంలో ఎలాంటి మార్పులు రాకపోవడంతో ఉద్యోగాల నుంచి తొలగించామని ఎయిర్ ఇండియా సంస్థ తెలిపింది.

English summary

The airline now plans to remove about 130 from cabin crew duty because their body mass index levels remain above the prescribed limit.