అంబేద్కర్ తో పెట్టుకున్న బిగ్ బాస్ సెలబ్రిటీ అరెస్టు (వీడియో)

Published: Friday, November 20, 2015, 14:40 [IST]

బెంగళూరు: వివాదాస్పద నటుడు, దర్శకుడు, బిగ్ బాస్ రియాలిటీ షో-3 (కన్నడ) సెలబ్రిటీని బెంగళూరులోని జ్ఞానభారతీ పోలీసులు అరెస్టు చేశారు. భారత రాజ్యాంగ నిర్మాత డాక్టర్ బీ.ఆర్. అంబేద్కర్ పై అనుచిత వ్యాఖ్యలు చెయ్యడంతో పోలీసులు హుచ్చా వెంకట్ ను అరెస్టు చేశారు.

హుచ్చా వెంకట్ మీద పలు దళిత సంఘాలు, బెంగళూరు విశ్వవిధ్యాలయం విద్యార్థులు పోలీసులకు ఫిర్యాదు చెయ్యడంతో కేసు నమోదు అయ్యింది. ఓ ప్రయివేటు టీవీ చానెల్ లో హుచ్చా వెంకట్ ఇంటర్వూ ఇస్తూ భారత రాజ్యంగా నిర్మాత డాక్టర్ బీ.ఆర్. అంబేద్కర్ మీద ఇష్టం వచ్చినట్లు నోరుపారేసుకున్నాడు.

విద్యార్థులు, దళిత సంఘాలు ఫిర్యాదు చెయ్యడంతో పోలీసులు ఇందిరానగరలోని ఆయన ఇంటిలో అరెస్టు చేశారు. హుచ్చా వెంకట్ ను విచారణ చేసి శుక్రవారం సిటి సివిల్ కోర్టులో హాజరుపరుస్తామని పోలీసులు అన్నారు.

అదే విదంగా హుచ్చా వెంకట్ మీద కోలారు పట్టణ పోలీస్ స్టేషన్ లో కేసు నమోదు అయ్యింది. హుచ్చా వెంకట్ వెలుతున్న కారును అడ్డగించిన దళిత సంఘాల నేతలు అతని ముఖం మీద నల్లరంగు వేసి మసిపూసి నిరసన వ్యక్తం చేశారు.

Published On November 20, 2015