యాంకర్, నటి మృతి కేసులో లొంగిపోయిన యువ హీరో

రోడ్డు ప్రమాదంలో బెంగాల్ నటి, మోడల్ సోనికా చౌహాన్ మరణించిన కేసులో యువ నటుడు విక్రమ్ ఛటర్జీ కోర్టులో లొంగిపోయాడు. ీ కేసు విచారణలో పోలీసులకు సహకరిస్తానని ఆయన కోర్టుకు హామీ ఇచ్చాడు.

కోల్‌కతా: రోడ్డు ప్రమాదంలో బెంగాల్ నటి, మోడల్ సోనికా చౌహాన్ మరణించిన కేసులో యువ నటుడు విక్రమ్ ఛటర్జీ కోర్టులో లొంగిపోయాడు. కేసు విచారణలో పోలీసులకు సహకరిస్తానని ఆయన కోర్టుకు హామీ ఇచ్చాడు.

ఇటీవల బెంగాల్‌ నటి, మోడల్‌ సోనికా చౌహాన్, న‌టుడు విక్రమ్.. ఇద్దరూ కలిసి కారులో వెళ్తుండగా అది ఒక్క‌సారిగా అదుపు త‌ప్పడంతో డివైడర్‌ను ఢీ కొట్టింది. తెలిసిందే. ఈ ప్ర‌మాదంలో సోనికా చౌహాన్ మృతి చెందింది.

పేరెంట్స్ ఆరోపణ

త‌న కూతురు మృతికి ఆ రోజు కారు న‌డిపిన విక్ర‌మే కార‌ణ‌మంటూ సోనికా కుటుంబ సభ్యులు ఫిర్యాదు చేశారు. దీంతో పోలీసులు ఆయ‌న‌పై కేసు న‌మోదు చేశారు.

వ్యక్తిగత పూచీకత్తుపై..

ఈ కేసులో విక్రమ్ ఈ రోజు కోర్టులో లొంగిపోయాడు. ఈ కేసు విచారణలో పోలీసులకు సహకరిస్తానని హామీ ఇవ్వ‌డంతో, రూ.1000 వ్యక్తి గత పూచీకత్తుపై కోర్టు ఆయ‌న‌కు బెయిల్‌ మంజూరు చేసింది. ఈ కేసులో త‌దుప‌రి విచార‌ణ‌ను సెప్టెంబర్‌ 1న చేపడతామని కోర్టు చెప్పింది.

వారం క్రితం దుర్ఘటన

కాగా, వారం క్రితం.. అంటే గత శనివారం సాయంత్రం ఉదయం నాలుగు గంటలకు ఉత్తర కోల్‌కతాలోని రాష్ బేహరీ ఎవెన్యూ దగ్గర గల లాకేమాల్ సమీపంలో ఈ ప్రమాదం చోటు చేసుకుంది.

ప్రమాదం ఇలా..

ప్రమాదానికి గురైన టయోటా కారు డివైడర్‌ను ఢీకొనడంతో పూర్తిగా ధ్వంసమైంది. కారును విక్రమ్ అత్యంత వేగంగా నడుపుతున్నట్లు చెబుతున్నారు.

ప్రమాదం సమయంలో కారులోని ఎయిర్ బ్యాగ్స్ కూడా పని చేయలేదని తెలిసింది. కేసు నమోదు చేసుకున్న పోలీసులు విచారణ జరుపుతున్నారు. అనంతరం సోనాలి పేరెంట్స్ విక్రమ్ కారణమని పోలీసులకు ఫిర్యాదు చేశారు.

English summary

Actor Vikram Chatterjee surrenders before court, granted bail.