ప్రముఖ నటి సామూహిక లైంగిక దాడి కేసు: కాంగ్రెస్ ఎమ్మెల్యే విచారణ, ఏం చెప్పారంటే ?

ప్రముఖ నటి కిడ్నాప్, లైంగిక దాడి కేసులో కేరళకు చెందిన కాంగ్రెస్ పార్టీ ఎమ్మెల్యే పీటీ. థామస్ ను పోలీసులు విచారణ చేశారు. ఆయన నుంచి పూర్తి వివరాలు సేకరించి అధికారికంగా రికార్డు చేసి కోర్టులో సమర్పించడాన

కొచ్చి: ప్రముఖ నటి కిడ్నాప్, లైంగిక దాడి కేసులో కేరళకు చెందిన కాంగ్రెస్ పార్టీ ఎమ్మెల్యే పీటీ. థామస్ ను పోలీసులు విచారణ చేశారు. ఆయన నుంచి పూర్తి వివరాలు సేకరించి అధికారికంగా రికార్డు చేసి కోర్టులో సమర్పించడానికి అధికారులు సిద్దం అయ్యారు.

నటి కిడ్నాప్, లైంగిక దాడి కేసులో మలయాళం ప్రముఖ హీరో దిలీప్ ను అరెస్టు చేసిన విషయం తెలిసిందే. హీరో దిలీప్ తో కాంగ్రెస్ పార్టీ ఎమ్మెల్యే పీటీ. థామస్ కు సన్నిహిత సంబంధాలు ఉన్నాయని, ఈ కేసులో దిలీప్ ను రక్షించడానికి ఎమ్మెల్యే ప్రయత్నించారని ఆరోపణలు ఉన్నాయి.

పోలీసుల విచారణ అనంతరం బయట మీడియాతో మాట్లాడిన ఎమ్మెల్యే థామస్ పోలీసుల విచారణలో తాను చెప్పిన అన్ని వివరాలు మీడియాకు చెప్పడం కుదరదని అన్నారు. అయితే బాధితురాలకి న్యాయం జరగాలని, నిందితులను కఠినంగా శిక్షించాలని పోలీసులకు చెప్పానని వివరించారు.

పోలీసులు విచారణ తరువాత ఎమ్మెల్యే థామస్ నేరుగా మాలీవుడ్ దర్శకుడు, బహుబాష నటుడు లాల్ ఇంటికి వెళ్లారు. ఫిబ్రవరి 17వ తేదీ రాత్రి నటి మీద సామూహిక లైంగిక దాడి జరిగిన తరువాత ప్రముఖ నిందితుడు పల్సర్ సునీ నేరుగా ఎమ్మెల్యే థామస్, దర్శకుడు, నటుడు లాల్ ను కలిశారని పోలీసులు అంటున్నారు.

English summary

Kerala MLA P T Thomas on Friday gave his statement to the police in the case of abduction and sexual assault of a south Indian actress on February 17 this year.