నటి సామూహిక లైంగిక దాడి కేసు: పోలీసుల ముందు లొంగిపోయిన హీరో దిలీప్ మేనేజర్ !

ప్రముఖ నటి కిడ్నాప్, సామూహిక లైంగిక దాడి కేసులో అరెస్టు అయిన మాలీవుడ్ ప్రముఖ హీరో దిలీప్ మేనేజర్ సునీల్ కుమార్ అలియాస్ అప్పుణ్ణి సోమవారం కేరళలోని ఆలువా పోలీసు క్లబ్ చేరుకుని పోలీసుల ముందు లొంగిపోయాడు.

కొచ్చి: ప్రముఖ నటి కిడ్నాప్, సామూహిక లైంగిక దాడి కేసులో అరెస్టు అయిన మాలీవుడ్ ప్రముఖ హీరో దిలీప్ మేనేజర్ సునీల్ కుమార్ అలియాస్ అప్పుణ్ణి సోమవారం కేరళలోని ఆలువా పోలీసు క్లబ్ చేరుకుని పోలీసుల ముందు లొంగిపోయాడు. హీరో దిలీప్ అరెస్టు అయిన కొన్ని గంటల తరువాత అప్పుణ్ణి మాయం అయ్యాడు.

అప్పటి నుంచి అప్పుణ్ణి కోసం కేరళ పోలీసులు గాలిస్తున్నారు. అయితే గోవాలో తలదాచుకున్న అప్పుణ్ణి తనకు ముందుస్తు బెయిల్ ఇవ్వాలని కేరళ హైకోర్టును ఆశ్రయించాడు. అప్పుణ్ణికి ముందస్తు బెయిల్ ఇవ్వడానికి కేరళ హైకోర్టు నిరాకరించింది.

నటి కిడ్నాప్, సామూహిక లైంగిక దాడి కేసులో అరెస్టు అయిన పల్సర్ సునీ హీరో దిలీప్ మేనేజర్ అప్పుణ్ణి, హీరో దిలీప్ స్నేహితుడు, నటుడు, దర్శకుడు నాదిర్ షాకు అనేక సార్లు ఫోన్లు చేశాడని కేరళ పోలీసుల విచారణలో వెలుగు చూసింది.

ఈ కేసులో హీరో దిలీప్ మేనేజర్ అప్పుణ్ణి ఇచ్చే సమాచారం కీలకం కానుందని కేరళ పోలీసులు అంటున్నారు. మొత్తం మీద తన మేనేజర్ అప్పుణ్ణి ఇచ్చే వివరణతో హీరో దిలీప్ మరింత చిక్కుల్లో పడే అవకాశం ఉందని తెలిసింది.

English summary

Malayalam actor Dileep’s manager Appunni surrendered before the Aluva police today in connection with the Malayalam actress assault case. Appunni was absconding since actor Dileep was arrested by the police for conspiring the abduction and assault of a popular Malayalam actress.