Viral video: ఈ తెల్ల పులికూనలు ఎంత ముద్దొస్తున్నాయో చూడండి..!

భిలాయ్: దేశంలో పెద్ద పులుల సంఖ్య క్రమంగా తగ్గిపోతోంది. జంతుసంరక్షణ చట్టాలు ఎన్ని తీసుకొచ్చినా వాటిని పట్టించుకునే నాథుడు లేకపోవడంతో పలు జాతులకు చెందిన జంతువులు అంతరించిపోయే ప్రమాదం ఏర్పడుతోంది. ఇక దేశంలో పలు అభయారణ్యాల్లో నివాసం ఉంటోన్న పెద్ద పులులు సంఖ్య కూడా తగ్గిపోతోంది. కొన్ని అనారోగ్యంతో మృతి చెందుతుంటే మరికొన్ని జనావాసాల్లోకి వచ్చి బలవుతున్నాయి.

ఇదిలా ఉంటే తాజాగా ఛత్తీస్‌గఢ్‌లోని భిలాయ్ ప్రాంతంలో ఉన్న మైత్రీ బాగ్ జూ పార్కులో రక్ష అనే ఓ తెల్ల ఆడపులి మూడు పులికూనలకు జన్మనిచ్చింది. ఈ విషయాన్ని జూ అధికారులు తెలిపారు. నెలన్నర రోజుల క్రితమే ఈ పెద్ద పులి..పిల్లల్ని కనగా తాజాగా వాటికి సంబంధించిన వీడియోను జూ అధికారులు విడుదల చేశారు.

ఈ పులికూనల వయస్సు 45 రోజులు. రక్ష- సుల్తాన్ అనే రెండు పులులు ఈ పులికూనలను కన్నట్లు జూ అధికారులు తెలిపారు. 1997లో ఈ రెండు పెద్ద పులులను నందకానన్ జూలాజికల్ పార్కు నుంచి తీసుకొచ్చినట్లు మైత్రీ బాగ్ జూపార్క్ ఇంఛార్జ్ ఎన్‌కే జైన్ తెలిపారు. అంతకుముందు కూడా ఇవి పిల్లల్ను కన్నట్లు వివరించారు. ఇందులో డజను పులులను దేశంలోని ఇతర జూపార్కులకు తరలించినట్లు చెప్పుకొచ్చారు.

#WATCH | Chhattisgarh | A white tigress, Raksha gave birth to three cubs around 1.5 months back at Maitri Bagh Zoo in Bhilai. The Zoo Authority released the first visuals of the cubs on 12th June.

(Video: Maitri Bagh Zoo) pic.twitter.com/KfOzLa457g

— ANI MP/CG/Rajasthan (@ANI_MP_CG_RJ) June 13, 2023

గతేడాది నవంబర్‌లో సింఘం అనే రెండు నెలల వయసున్న పులికూనను మైత్రీ బాగ్ జూలో విడిచిపెట్టారు. కరోనా కారణంగా రెండేళ్ల పాటు పులుల మధ్య సంభోగ ప్రక్రియను నిలిపివేసినట్లు జూ అధికారులు వెల్లడించారు. కొన్నినెలల క్రితమే ఓ ఆడపులి(రోమా) మరో మగపులిని (సుల్తాన్) జూపార్కుకు తీసుకురాగా ఆరెండు సింఘం అనే పులికూనకు జన్మనిచ్చినట్లు జైన్ వివరించారు.

English summary

Exciting news as white tigress Raksha at the zoo brings three adorable cubs into the world. Watch the heartwarming visuals of the newborns released by the zoo authority.