కేంద్ర మంత్రి వివాదం: అప్పుడు డార్విన్, ఇప్పుడు న్యూటన్

న్యూఢిల్లీ: కేంద్ర మానవ వనరుల శాఖ సహాయ మంత్రి మరోసారి వివాదాస్పద వ్యాఖ్యలు చేశారు. ఇంతకు ముందు డార్విన్ సిద్ధాంతంపై వివాదాస్పద వ్యాఖ్యలు చేసిన ఆయన తాజాగా న్యూటన్ సిద్ధాంతంపై విరుచుకుపడ్డారు.

చలన సూత్ర సిద్ధాంతం ఐజాక్ న్యూటన్ కనిపెట్టడానికి ముందే మంత్రాల్లో ఉన్నాయని ఆయన ఈ నెల 15, 16 తేదీల్లో జరిగిన సెంట్రల్ అడ్వయిజరీ బోర్డు ఆఫ్ ఎడ్యుకేషన్ సమావేశంలో అన్నారు.

విద్యాసంస్థల భవనాలు వాస్తు ధర్మం నేర్చుకోవడానికి అత్యంత ప్రధానమైనవని అన్నారు. న్యూటన్ కనిపెట్టడానికి చాలా ముందే చలన సూత్రాలు మంత్రాల్లో ఉన్నాయన ఆయన అన్నారు. కరిక్యులంలో సంప్రదాయ విజ్ఞానాన్నిచేర్చడం అత్యవసరమని మంత్రి అన్నారు .

డార్విన్ ప్రతిపాదించిన జీవ పరిణామ క్రమ సిద్దాంతం తప్పు అని, దాన్ని విద్యాసంస్థల పాఠాల్లోంచి తొలగించాలని ఆయన గతంలో అన్నారు. మానవుడు కోతి నుంచి పరిణామం చెందాడనేది శుద్ధ తప్పు అని ఆయన అన్నారు.

English summary

Minister of State for Human Resource Development, Satyapal Singh speaking at a meeting of the Central Advisory Board of Education (CABE) on January 15 and 16 said that mantras codified the ‘laws of motion’ much before they were framed by Issac Newton.