విమానాశ్రయాల పునరుద్ధరణ..యధాతథ స్థితికి విమానాల రాకపోకలు: ఎందుకంటే..?

న్యూఢిల్లీ: జమ్మూకాశ్మీర్, హిమాచల్ ప్రదేశ్ సహా పాకిస్తాన్ సరిహద్దుకు ఆనుకుని ఉన్న అంతర్జాతీయ విమానాశ్రయలను మూసివేస్తూ ఆదేశాలు వెలువడిన కొన్ని గంటల వ్యవధిలోనే కేంద్రప్రభుత్వం.. వాటిని ఉపసంహరించుకుంది. ఆ ఆదేశాలను వెనక్కి తీసుకుంది. విమానాశ్రయాలను పునరుద్ధరించాలని ఆదేశించింది. పౌర విమానాల రాకపోకలను యధాతథ స్థితికి తీసుకుని రావాలని సూచించింది. ఈ ఆదేశాలు వెలువడిన కొన్ని నిమిషాల వ్యవధిలోనే జమ్మూ విమానాశ్రయం తెరచుకుంది. విమానాల రాకపోకలు మొదలయ్యాయి కూడా.

భారత్-పాకిస్తాన్ సరిహద్దుల్లో నెలకొన్న యుద్ధ వాతావరణనాన్ని దృష్టిలో పెట్టుకుని కేంద్రప్రభుత్వం అత్యంత కీలకమైన ఎనిమిది విమానాశ్రయాలను మూసివేస్తూ ఆదేశాలు జారీ చేసిన విషయం తెలిసిందే. ఈ ఆదేశాలు వెలువడిన వెంటనే చండీగఢ్, జమ్మూ, శ్రీనగర్, లేహ్ సహా పంజాబ్ లోని అమృత్ సర్, పఠాన్ కోట్, హిమాచల్ ప్రదేశ్ లోని మనాలి, కంగ్రా, సిమ్లా విమానాశ్రయాలను మూసివేశారు. అంతేకాకుండా- ఐరోపా, గల్ఫ్ దేశాలకు వెళ్లడానికి పాకిస్తాన్ గగనతలాన్ని వినియోగించుకోకూడదని కూడా ఆదేశాలు వెలువడ్డాయి.

NOTAM (Notice to Airmen to alert aircraft pilots of potential hazards along a flight route) has been withdrawn. Flight operations will resume pic.twitter.com/5WvzEgVQ34

— ANI (@ANI) February 27, 2019

ఈ ఆదేశాలు వెలువడిన కొన్ని గంటల వ్యవధిలోనే కేంద్రం.. వాటిని వెనక్కి తీసుకుంది. విమానాశ్రయాలను పునరుద్ధరించాలని ఆదేశించింది. దీనితో జమ్మూ సహా కొన్ని విమానాశ్రయాల్లో విమానాల రాకపోకలు ఆరంభమైనట్లు తెలుస్తోంది. యుద్ధ వాతావరణం నేపథ్యంలో దేశంలో ఉద్రిక్త పరిస్థితులు నెలకొనకూడదనే ఉద్దేశంతోనే కేంద్రం ఈ విమానాల రాకపోకలను పునరుద్ధరించినట్లు చెబుతున్నారు.

English summary

The order to shut down eight airports over the northern states of Jammua and Kashmir, Punjab and Himachal Pradesh has been withdrawn. Flight operations have already resumed from some airports, including Jammu.The order for shut down was issued a short while ago amid an escalation of hostilities with Pakistan. Sources had said the entire airspace north of Delhi has to be vacated. The list of airports included Amritsar, Jammu, Srinagar and Leh, Kullu-Manali, Kangra, Shimla and Pathankot.