మోత మోగిస్తోన్న టాటా మోటార్స్ షేర్లు

టాటా మోటార్స్ కంపెనీ షేర్లు మోత మోగిస్తున్నాయి. ఆరు సంవత్సరాల గరిష్టానికి కంపెనీ షేర్లు చేరుకోవడంపై పెట్టుబడిదారులు ఆనందంగా ఉన్నారు. గుజరాత్ ప్రభుత్వంతో కుదుర్చుకున్న ఒప్పందమే షేర్ల పెరుగుదలకు కారణమని మార్కెట్ వర్గాలు వెల్లడించాయి. ఎలక్ట్రిక్ కార్ల విక్రయాల్లో టాటా మోటార్స్ ముందంజలో ఉంది. తన సొంత అవసరాల కోసం లిథియం-అయాన్ బ్యాటరీల కంపెనీని ఏర్పాటు చేయాలని నిర్ణయించింది. ఇందుకు రూ.13వేల కోట్లు పెట్టుబడిగా పెట్టేందుకు గుజరాత్ ముఖ్యమంత్రి విజయ్ రూపానీ ప్రభుత్వంతో ఒప్పందం కుదుర్చుకుంది. ఈ ఒప్పందమే కంపెనీ షేరును పరుగులెత్తిస్తోంది.

లిథియం-అయాన్ బ్యాటరీల తయారీ ప్లాంట్ టాటా మోటార్స్ కు ప్రత్యక్షంగా, పరోక్షంగా రెండు విధాలుగా ఉపయోగపడనుండటంతో ఈ కంపెనీ షేర్లు కొనేందుకు పెట్టుబడిదారులు ఎగబడుతున్నారు. గతేడాది డిసెంబరు 26వ తేదీన ఈ షేర్లు రూ.375.5ను చేరుకుంది. తాజా పెరుగుదలవల్ల మార్కెట్ విలువ రూ.2 లక్షల కోట్లకు చేరుకుంది. ఇంట్రాడే ట్రేడింగ్ సమయంలో 52 వారాల గరిష్టమైన 548.30 దగ్గర ట్రేడవుతోంది. 1945లో జేఆర్డీ టాటా దేశ రవాణా అవసరాలను తీర్చేందుకు ఈ కంపెనీని ఏర్పాటు చేశారు.

షేరు మార్కెట్ లో తాజాగా టొరెంట్ పవర్ లిమిటెడ్ స్టాక్ పెట్టుబడిదారులకు మల్టీ బ్యాగర్ రిటర్న్స్ ఇచ్చింది. సంవత్సర కాలంలో 43 శాతానికి పైగా రిటర్న్స్ అందించింది. గడిచిన మూడు సంవత్సరాల కాలంతో పోలిస్తే 99 శాతానికి పైగా లాభాలు అందజేసింది. మూడు సంవత్సరాల క్రితం ఈ స్టాక్ లో రూ.లక్ష పెట్టుబడి పెడితే మరో లక్ష లాభం వస్తుంది. ఐదు సంవత్సరాల కాలంలో ఈ కంపెనీ విక్రయాలు 17 శాతం మేర పెరిగాయి.

English summary

Shares of Tata Motors Company are booming