యువతిపై రేప్: వైస్ చాన్స్ లర్ అరెస్టు

బెంగళూరు: యువతి మీద అత్యాచారం చేస్తున్నాడని ఆరోపిస్తూ బెంగళూరు నగరంలోని మడివాళ పోలీసులు వైస్ చాన్స్ లర్ ను అరెస్టు చేసి విచారణ చేస్తున్నారు. విశ్వవిధ్యాలయంలో ఉద్యోగం చేస్తున్న యువతిని బెదిరించి గత రెండు సంవత్సరాల నుంచి అత్యాచారం చేస్తున్నాడని పోలీసులు అన్నారు.

అనేకల్ సమీపంలోని అలాయన్స్ విశ్వవిధ్యాలయంలో మధుకర్ జి. అంగూర్ వైస్ చాన్స్ లర్ గా పని చేస్తున్నాడు. శుక్రవారం రాత్రి పొద్దుపోయిన తరువాత మధుకర్ ను అరెస్టు చేశామని శనివారం మడివాళ పోలీసులు అన్నారు.

బాధితురాలి ఫిర్యాదు మేరకు తాము కేసు నమోదు చేశామని మడివాళ పోలీసులు తెలిపారు. మధుకర్ పని చేస్తున్న విశ్వవిధ్యాలయంలో అతని దూరపు బంధువు 32 ఏళ్ల యువతి ఉద్యోగం చేస్తున్నది. గత రెండు సంవత్సరాల నుంచి ఆమె మీద మధుకర్ అత్యాచారం చేస్తున్నాడు.

విషయం బయటకు చెబితే చంపేస్తానని, ఉద్యోగం నుంచి తీసివేస్తానని బెదిరించాడు. ఈ విషయంలో ఆమె మానసికంగా కుంగిపోయింది. చివరికి ఇటీవల కుటుంబ సభ్యులకు ఆమె విషయం చెప్పింది, యువతికి వైద్య పరిక్షలు నిర్వహించారు.

మధుకర్ కు వైద్య పరిక్షలు నిర్వహించామని, నివేదిక అందవలసి ఉందని పోలీసులు అన్నారు. 2010లో ఈ అలాయన్స్ విద్యాసంస్థలకు కర్ణాటకలో విశ్వవిధ్యాలయం గుర్తింపు వచ్చింది. మధుకర్ ను విచారణ చేస్తున్నామని పోలీస అధికారులు తెలిపారు.

English summary

Bengaluru Madiwala police arrested Dr. Madhukar G. Angur Vice Chancellor of Alliance university, Anekal in rape case.