గుడ్ న్యూస్: అమెజాన్ లో 22 వేల ఉద్యోగాలు, త్వరలోనే భర్తీ..

Posted By:
Subscribe to Oneindia Telugu

న్యూఢిల్లీ: భారత్‌లో త్వరలో 22 వేల ఉద్యోగాలను భర్తీ చేయనున్నట్టు ప్రముఖ ఈ-కామర్స్‌ దిగ్గజ సంస్థ అమెజాన్‌ ప్రకటించింది. వివిధ పండుగల సందర్భాల్లో దేశంలో తన సేవలను మరింత సమర్థంగా అందించేందుకు వీలుగా ఈ సీజనల్‌ ఉద్యోగ అవకాశాలను కల్పించాలని నిర్ణయించినట్టు సంస్థ తెలిపింది.

ముంబయి, హైదరాబాద్‌, ఢిల్లీ, చెన్నై, బెంగళూరు, అహ్మదాబాద్‌ సహా పలు నగరాల్లో ఉద్యోగ నియామకాలు చేపట్టనున్నట్టు అమెజాన్‌ ఓ ప్రకటనలో వెల్లడించింది. ఫుల్‌ఫిల్‌మెంట్‌, షార్టేషన్‌ సెంటర్లు, డెలివరీ స్టేషన్లు, వినియోగదారుల సర్వీస్‌ సైట్లకు సంబంధించిన వాటిలో ఉపాధి అవకాశాలను కల్పించనున్నట్టు వివరించింది.

amazon

ఈ 22 వేల ఉద్యోగాల నియామకంతో తమ సంస్థ వినియోగదారులకు అందించే సేవల్లో నాణ్యత పెరగడమే కాకుండా, మరింత వృద్ధి చెందుతుందని సంస్థ ఉపాధ్యక్షుడు అఖిల్‌ సక్సేనా అభిప్రాయపడ్డారు. అంతేకాకుండా వినియోగదారులకు మెరుగైన సేవలను అందిచేందుకు కూడా వీలవుతుందన్నారు.

వీరితో దేశంలోని 41 ఫుల్‌ఫిల్‌మెంట్‌ కేంద్రాలు, 15 షార్టేషన్‌ కేంద్రాలు, సుమారు 150 డెలివరీ స్టేషన్ల ద్వారా వినియోగదారులకు తమ సేవలను మరింత చేరువ చేస్తామన్నారు. 12 నగరాల్లో అమెజాన్‌కు 13 వినియోగదారుల సేవా కేంద్రాలు ఉన్నాయి. వాటి ద్వారా కన్నడ, తెలుగు, హిందీ, తమిళం, ఆంగ్ల భాషల్లో ఈమెయిల్‌, ఛాటింగ్‌, సోషల్‌మీడియా, ఫోన్ల ద్వారా వినియోగదారులకు సేవలందించనున్నారు.

ఇంకా వివాహం చేసుకోలేదా? తెలుగు మ్యాట్రిమోనిలో నేడే రిజిస్టర్ చేసుకోండి - రిజిస్ట్రేషన్ ఉచితం!

English summary
E-commerce giant Amazon India on Monday said it has created over 22,000 seasonal job positions across its network in the country during the upcoming festive season. According to the company, the additional positions have been created at its fulfillment centres, sorting centres, delivery stations and customer service sites in Mumbai, Delhi, Hyderabad, Chennai, Bengaluru, Ahmedabad and many other cities across the country. "This enhancement will be instrumental in driving an exceptional experience during the upcoming Great Indian Festive Sale. The over 22,000 seasonal associates will help in augmenting our capabilities to serve our customers better and enable us to deliver consistently high levels of customer experience," said Akhil Saxena, Vice President - India Customer Fulfilment, Amazon India, in a statement.

Oneindia బ్రేకింగ్ న్యూస్
రోజంతా తాజా వార్తలను పొందండి

X