"మోడీ మిమ్మల్ని చంపాలనుకుంటున్నదెవరో చెప్పండి!"
న్యూఢిల్లీ : ప్రధాని నరేంద్ర మోడీని ఉద్దేశిస్తూ కాంగ్రెస్ ఎంపీ ఆనంద్ శర్మ రాజ్యసభలో పలు ఆసక్తికర వ్యాఖ్యలు చేశారు. తన ప్రాణాలకు ముప్పు ఉందని మోడీ గతంలోప్రకటించారని.. దీనిపై వివరణ ఇవ్వాల్సిందిగా ఆనందర్ శర్మ కోరారు. పెద్ద నోట్ల రద్దుపై చర్చ సందర్బంగా.. ఈ ప్రశ్నను లేవనెత్తారు ఆనంద్ శర్మ.
'మిమ్మల్ని చంపాలని అనుకుంటున్నది ఎవరు? మిమ్మల్ని బెదిరింపులకు లోను చేస్తుందెవరో?' చెప్పాలంటూ ఆనంద్ శర్మ మోడీని కోరారు. ఓవైపు దేశం కోసం అన్ని త్యాగం చేశానని చెబుతూనే.. మరోవైపు ప్రపంచ దేశాలను చుట్టేసి రావడం.. ఏ రకం త్యాగం కిందకు వస్తుందంటూ నిలదీశారు. ప్రధాని ఎక్కువ రోజులు జీవించాలని తామంతా కోరుకుంటున్నామని, అలాంటప్పుడు తనపై బెదిరింపులకు పాల్పడుతుందెవరో వెల్లడిస్తే బాగుంటుందని సున్నితంగా విమర్శించే ప్రయత్నం చేశారు.
Click it and Unblock the Notifications
Sign in with Google