మల్లికా శెరావత్ 'డర్టీ పాలిటిక్స్': సినిమా ఛాన్స్‌ను వద్దన్న కేజ్రీవాల్

By Srinivas

Updated: Thursday, February 19, 2015, 16:46 [IST]

ముంబై: ఢిల్లీ ముఖ్యమంత్రి, ఆమ్ ఆద్మీ పార్టీ సమన్వయకర్త అరవింద్ కేజ్రీవాల్‌కు ఓ సినిమాలో రోల్ ఇస్తామని చెబితే, అతను దానిని సున్నితంగా తిరస్కరించారట. ఈ విషయాన్ని ఆ సినిమా దర్శకులు వెల్లడించారు. పలువురు నటీనటులు ప్రధాన పాత్రలతో డర్టీ పాలిటిక్స్ సినిమాను తీశారు.

సమాచారం మేరకు.. ఈ సినిమాలో కేజ్రీవాల్‌కు ఓ రోల్ ఇస్తామని చెబితే ఆయన వద్దన్నారని దర్శకులు కేసీ బోకాడియా చెప్పారు. 2012 సంవత్సరంలో దర్శకులు ఏఏపీ సమన్వయకర్త అరవింద్ కేజ్రీవాల్‌ను కలిశారు. సినిమాలో జర్నలిస్ట్ పాత్రను పోషించాలని కోరారు. దానిని అతను సున్నితంగా తిరస్కరించారు.

'యస్, మేం కేజ్రీవాల్‌కు సినిమాలో ఓ రోల్ ఆఫర్ చేశాం. కానీ ఆయన మాకు డేట్స్ ఇవ్వలేదు. ఈ ప్రాజెక్ట్ విషయమై కేజ్రీవాల్ మమ్మల్ని అభినందించారు. మేం నసీరుద్దిన్ షా‌ను కలిశాం. ఈ సినిమాను అతని ఇన్స్‌పిరేషన్‌తో చేశాం' అని డైరెక్టర్ చెప్పారని తెలుస్తోంది.

తాను జర్నలిజం పాత్ర గురించి కేజ్రీవాల్‌కు మెయిల్ చేశామని, తాము రెండుసార్లు మెయిల్స్ చేసుకున్నామని డైరెక్టర్ తెలిపారు.

అయితే, తాను ఇటీవలే పార్టీ పెట్టానని, దాని పైన తాను దృష్టి సారించవలసి ఉందని చెప్పారని తెలిపారు. ఆయన సినిమాలో నటిస్తే బాగుండేదని అభిప్రాయపడ్డారు. డర్టీ పాలిటిక్స్ సినిమాలో శృంగార తార మల్లికా శెరావత్ ఫిమేల్ లీడ్ పాత్రలో నటిస్తోంది. జాకీష్రాఫ్, ఓంపురి, అనుపమ్ ఖేర్ తదితరులు కీలక పాత్రల్లో నటించారు.

డర్టీ పాలిటిక్స్

డర్టీ పాలిటిక్స్ సినిమాలో శృంగార తార మల్లికా శెరావత్ ఫిమేల్ లీడ్ పాత్రలో నటిస్తోంది. జాకీష్రాఫ్, ఓంపురి, అనుపమ్ ఖేర్ తదితరులు కీలక పాత్రల్లో నటించారు.