జియో ఫోన్ తో టెల్కోల్లో గుబులు.. ప్రత్యర్థి కంపెనీలకు చుక్కలే: జాఫరీస్ వెల్లడి

రిలయన్స్ జియో నూతనంగా ఆవిష్కరించిన 4జీ ‘జియోఫోన్‌’తో.. ప్రత్యర్థి టెలికాం కంపెనీలకు పెను సవాలు ఎదురు కానున్నదని ఇన్వెస్ట్‌మెంట్ బ్యాంకింగ్ సంస్థ జాఫరీస్ తన నివేదికలో పేర్కొంది.

న్యూఢిల్లీ: రిలయన్స్ జియో నూతనంగా ఆవిష్కరించిన 4జీ 'జియోఫోన్‌'తో.. ప్రత్యర్థి టెలికాం కంపెనీలకు పెను సవాలు ఎదురు కానున్నదని ఇన్వెస్ట్‌మెంట్ బ్యాంకింగ్ సంస్థ జాఫరీస్ తన నివేదికలో పేర్కొంది.

గతేడాది సెప్టెంబర్‌లో మార్కెట్‌లో అడుగుపెట్టిన జియో 10 కోట్ల మంది వినియోగదారులను లక్ష్యంగా పెట్టుకుంది. సంవత్సరం తిరిగేసరికి మరో సంచలన 4జీ ఫీచర్ ఫోన్‌తో ముందుకొచ్చింది.

50 కోట్ల మంది లక్ష్యం...

ఈసారి ఏకంగా 50 కోట్ల మంది వినియోగదారులను లక్ష్యంగా పెట్టుకుంది. దీంతో ఇతర టెల్కోలు తమ వినియోగదారులను కాపాడుకునేందుకు సర్వశక్తులు ఒడ్డాల్సి ఉంటుందని జాఫరీస్ పేర్కొంది.

వాటి ఏఆర్‌పీయూ కన్నా...

‘‘జియో నెలవారీ ప్లాన్‌ మూడు ప్రధాన టెల్కోల ఏఆర్‌పీయూ (యావరేజ్ రెవెన్యూ పర్ యూనిట్)కు భిన్నంగా ఉంది. అయితే ధర విషయంలో కొంతమేరకు మిగతా వాటి మాదిరిగానే ఉన్నప్పటికీ... మార్కెట్ వాటాలోని తమ వినియోగదారులను కాపాడుకోవడం మాత్రం కష్టమే..'' అని పేర్కొంది.

ఎంతోకాలంగా ఎదురుచూపులు...

జియో ప్రియులు చాలా కాలం నుంచి ఎదురుచూస్తున్న 4జీ ఫోన్ ఇటీవల విడుదలైన సంగతి తెలిసిందే. దీన్ని సెప్టెంబర్ నాటికల్లా అందుబాటులోకి తేవాలని రిలయన్స్ సంస్థ భావిస్తోంది.

డిపాజిట్ తిరిగి రావడంతో, ఫ్రీ...

ధర రూ.1500 కావడం.. అందునా ఫోన్ కోసం పెట్టిన డబ్బులు తిరిగి పొందే అవకాశం ఉండడంతో దీనిపై జనాల్లో విపరీతమైన క్రేజ్ నెలకొంది. వారానికి 50 లక్షల ఫోన్లు అందుబాటులోకి తెచ్చే ప్రయత్నాలు జరుగుతున్నాయి.

డేటాతోపాటు వాయిస్ మెసేజ్ లు కూడా...

నెలకు రూ.153తో రోజుకు 500 ఎంబీ డేటాతో పాటు వాయిస్, ఎస్‌ఎమ్ఎస్‌లు ఉచితంగా అందుకోవచ్చు. ఇక రెండు, ఏడు రోజుల తాత్కాలిక ప్రయోజనం కోసం రూ.24, రూ.54 ప్లాన్లను కూడా జియో తీసుకొస్తోంది.

2జీ, 3జీ ఫోన్లకు పెద్ద పోటీ...

మిగతా కంపెనీల టారిఫ్‌లు కూడా నెలకు రూ.142 నుంచి 158 వరకు ఉన్న సంగతి తెలిసిందే. మరోవైపు గ్రామీణ ప్రాంతాల్లో 2జీ, 3జీ ఫోన్ల స్థానాన్ని భర్తీ చేసేందుకు జియో 4జీ ఫోన్ సిద్ధమవుతుండడంతో ప్రధాన టెల్కోలు భారీ సవాలు ఎదుర్కోనున్నాయి.

English summary

The massive disruption that Reliance Jio Infocomm’s feature phone will bring to India’s telecom market may initially hit smaller telecom firms, leading to faster-than-anticipated market consolidation. It may not impact the bigger telecom service providers immediately. The incumbents have been waging a battle for retaining subscribers relentlessly since then and consolidation was clearly the only way forward. So, Vodafone and Idea are in the midst of a merger, Bharti has already acquired Telenor and Tikona Digital’s 4G business. As the biggies move to gain scale through mergers and acquisitions, it is the smaller telcos which will first get impacted by RJio’s aggression on the feature phone.