నీ బుగ్గలు కాశ్మీర్ యాపిల్స్‌లా ఉన్నాయి: నర్సుపై ఆశారాం

న్యూఢిల్లీ: ఆధ్యాత్మిక గురువు ఆశారాం బాపు కటకటాల వెనక్కి వెళ్లినా కూడా తన బుద్ధి పోనిచ్చుకోలేదు. ఢిల్లీ ఎయిమ్స్‌లో నర్సుపై అసభ్యకరమైన వ్యాఖ్యలు చేశారు. వైద్య పరీక్షల నిమిత్తం ఎయిమ్స్‌కు వచ్చిన ఆయన అక్కడి నర్సుపై... 'నువ్వు వెన్నలా ఉన్నావు. నీ బుగ్గలు కశ్మీర్‌ యాపిల్స్‌లా ఉన్నాయి' అంటూ వ్యాఖ్యానించారు.

అంతటితో ఆగకుండా, తాను యువకుడిగా మారేలా చికిత్స చేయాలని అక్కడి వైద్యులను కోరారు. తీహార్‌ జైల్లో ఉన్న ఆశారాం బెయిల్‌ పిటిషన్‌ సుప్రీంకోర్టు పరిశీలనకు రానుంది. ఈ నేపథ్యంలో ఆయనకు ఢిల్లీలోని ఎయిమ్స్‌లో వైద్యపరీక్షలు నిర్వహించి, ఆరోగ్య పరిస్థితిని తెలియజేయాలని సుప్రీం ఆదేశించింది.

చికిత్స నిమిత్తం ఆశారాంను పోలీసులు శనివారం ఢిల్లీకి తీసుకువచ్చారు. నడవలేని స్థితిలో ఉన్న ఆయన పోలీసుల సాయంతో వీల్‌ చైర్‌లో ఆస్పత్రికి వచ్చారు. ఈ మేరకు మీడియాలో వార్తలు వచ్చాయి. ఆశారాం బాపు ఆరోగ్యం కూడా ఏ మాత్రం బాగా లేదు. పట్టుకుని, అతన్ని నడిపించడానికి దాదాపు డజను మంది పోలీసుల అవసరం ఏర్పడింది.

ఢిల్లీ విమానాశ్రయానికి చేరుకోగానే అతని కోసం వీల్ చైర్ ఏర్పాటు చేశారు. పరీక్షలతో తనను వేధిస్తున్నారని ఆశారాం అంటున్నట్లు వార్తలు వచ్చాయి. అమ్మాయిపై అత్యాచారం చేశారనే ఆరోపణపై ఆశారాం బాపును పోలీసులు 2013 ఆగస్టు 31వ తేదీన అరెస్టు చేసిన విషయం తెలిసిందే.

English summary

Another embarrassing incident of self-styled Godman Asaram Bapu came to light on Sunday morning. Hindu saint Asaram after deteriorating health conditions was admitted in AIIMS New Delhi and was undergoing a treatment there.