తొండంతో పుట్టిన చిన్నారి: వినాయకుడని పూజలు
అలీఘర్: ఏనుగు తొండం ఆకారం లాంటి భాగంతో ఓ చిన్నారి జన్మించింది. ఆమెను వినాయకుడి అవతారంగా భావించి పలువురు పూజలు చేస్తున్నారు. ఆమెను చూసేందుకు తండోపతండాలుగా జనాలు బారులు తీరుతున్నారు. ఈ ఘటన ఉత్తరప్రదేశ్ రాష్ట్రంలోని అలీఘర్లో చోటు చేసుకుంది.
కాగా, ఆ చిన్నారి అత్త ఈ విషయంపై మాట్లాడుతూ.. ‘మా కోడలు ఒక చిన్నారికి జన్మనిచ్చింది. ఆమె ఖచ్చితమైన పోలికలతో వినాయకుడిలా వుంది. ప్రతీ ఒక్కరూ ఆమెను వినాయకుడి అవతారంగా చెబుతున్నారు. అంతేగాక, ఆమె చుట్టూ ప్రదిక్షణలు చేసి తమ కోరికలను తెలుపుకుంటున్నారు' అని తెలిపింది.
ఆ చిన్నారి ముక్కుకు కొంచెం పక్కగా ఈ తొండం లాంటి భాగం వుంది. తొండం కారణంగా చిన్నారి ముక్కు రెండుగా విడిపోయి ఉంది. కాగా, ఆ చిన్నారిని పరిశీలించిన వైద్యులు, ఏమైనా అనారోగ్య పరిస్థితులు ఎదురైతే.. అవసరమైన శస్త్ర చికిత్సలు చేపడతామని చెప్పారు.
Click it and Unblock the Notifications
Sign in with Google