‘ఈ రాత్రికి మాతో గడుపుదువుగాని రా..’, వర్థమాన సినీనటిని అటకాయించి...

కన్నడ వర్ధమాన సినీ నటి (23) పై ఇద్దరు యువకులు దౌర్జన్యానికి పాల్పడ్డారు. ‘ఈ రాత్రికి మాతో గడుపుదువుగాని రా...’ అని అసభ్యకరంగా మాట్లాడుతూ.. ఇద్దరూ చెరో చేతిని పట్టుకుని ఆమెను లాక్కుని పోయే ప్రయత్నం చే

బెంగళూరు: ఓ కన్నడ వర్ధమాన సినీ నటి (23) పై ఇద్దరు యువకులు దౌర్జన్యానికి పాల్పడిన ఘటన బెంగళూరులో చోటుచేసుకుంది. బెంగళూరు రాజగోపాలనగర ఠాణా పోలీసులు తెలిపిన వివరాల ప్రకారం ఈ ఘటన వివరాలు ఇలా ఉన్నాయి.

సినిమా షూటింగ్ లో పాల్గొని హెగ్గనహళ్లి వద్ద క్యాబ్‌ దిగి ఇంటికి వెళ్తున్న సదరు సినీ నటిని సచిన్‌, ప్రవీణ్‌ అలియాస్‌ పుట్ట అడ్డగించారు. 'ఈ రాత్రికి మాతో గడుపుదువుగాని రా...' అని అసభ్యకరంగా మాట్లాడుతూ.. ఇద్దరూ చెరో చేతిని పట్టుకుని ఆమెను లాక్కుని పోయే ప్రయత్నం చేశారు.

ఆ నటి తీవ్రంగా ప్రతిఘటించడంతో చివరికి ఆమెను దూషిస్తూ, దాడి చేసి పరారయ్యారు. ఆ ఇద్దరితో తనకు మూడేళ్లుగా పరిచయం ఉందని, వారి వేధింపులతో గతంలో తాను ఆత్మహత్యా యత్నం కూడా చేశానని ఆమె పోలీసులకు ఇచ్చిన ఫిర్యాదులో పేర్కొంది.

ఈ ఘటనపై కేసు నమోదు చేసిన పోలీసులు నిందితులిద్దర్నీ తమ అదుపులోకి తీసుకున్నారు. అయితే వారేమో.. సదరు నటి తమకు నగదు బాకీ ఉందని, తాము అడగడంతో తమపై ఇలా తప్పుడు ఆరోపణలు చేస్తోందని చెబుతున్నారు. ఈ ఘటనలో నిజానిజాలేమిటో పోలీసుల దర్యాప్తులో తేలాల్సి ఉంది.

English summary

A kannada upcoming actress was allegedly harrased by two persons in Hegganahalli in Rajagopalnagar police limits. The victim has lodged a complaint with the police, stating that the two persons, Sachin, Praveen alias Putta, misbehaved with her. The accuses allegedly pulled her hand and try to take her with them. when she protested strongly they ran away. The police registered a case on this incident and took the accused into their custodey. But the accused version is different than the actress. Police are investigating this case to get more clarity on this.