పశ్చిమ బెంగాల్లో ఓ హోటల్లో నటి మృతదేహం: డిప్రెషన్‌లో ఉందా?

కోల్‌కతా: పశ్చిమ బెంగాల్‌లోని సిలిగురిలోని ఓ హోటల్ గదిలో సినీ, టీవీ నటి పాయల్ చక్రవర్తి విగతజీవిగా కనిపించింది. మంగళవారం ఆమె హోటల్లో అద్దెకు దిగిందని పోలీసులు తెలిపారు. బుధవారం సాయంత్రం మృతి చెందిందని చెబుతున్నారు.

బుధవారం ఆమె గ్యాంగ్‌టక్ బయలుదేరి వెళ్లవలసి ఉందని, ఈ సమయంలో ఈ ఘోరం జరిగిందని అంటున్నారు. ఆమె ఉంటున్న గది తలుపును పలుమార్లు హోటల్ సిబ్బంది కొట్టింది. అఫ్పుడు అటు వైపు నుంచి ఎలాంటి స్పందన రాలేదు. దీంతో అనుమానంతో తలుపులు పగులగొట్టారు.

అప్పటికే ఆమె విగతజీవిగా పడి ఉంది. హోటల్ సిబ్బంది పోలీసులకు సమాచారం అందించారు. చనిపోయిన పాయల్ బెంగాల్లో ప్రసారమైన పలు టీవీ సీరియళ్లలో నటించారు. ఇటీవలే కొన్ని సినిమాల్లో నటించేందుకు ఒప్పందం కుదిరింది. ఆమెకు ఓ కొడుకు ఉన్నాడు. ఇటీవలే భర్తతో విడాకులు తీసుకున్నట్లుగా తెలుస్తోంది. ఆమె తన తల్లిదండ్రులు, కొడుకుతో కలిసి ఉంటోంది. డిప్రెషన్‌లో ఉన్నట్లుగా కూడా చెబుతున్నారు.

English summary

Bengali actress Payel Chakraborty, who has been a part of Bengali TV and film industry was found dead in her hotel room in Siliguri on August 5, Wednesday.