సెక్స్ చేయాలంటూ హెచ్ఐవీ భర్త బలవంతం: ప్రైవేట్ భాగాల్లో తన్నేయడంతో మృతి

హెచ్ఐవీతో బాధపడుతున్న ఓ వ్యక్తి తన భార్యతో బలవంతంగా శృంగారం చేసేందుకు ప్రయత్నించాడు. దీంతో ఆగ్రహానికి గురైన భార్య... అతని ప్రైవేట్ భాగాల్లో తీవ్రంగా దాడి చేసింది. దీంతో అతడు అక్కడికక్కడే మృతి చెందాడు.

బెంగళూరు: హెచ్ఐవీతో బాధపడుతున్న ఓ వ్యక్తి తన భార్యతో బలవంతంగా శృంగారం చేసేందుకు ప్రయత్నించాడు. దీంతో ఆగ్రహానికి గురైన భార్య... అతని ప్రైవేట్ భాగాల్లో తీవ్రంగా దాడి చేసింది. దీంతో అతడు అక్కడికక్కడే మృతి చెందాడు. ఈ ఘటన బ్యతరాయనపుర పోలీస్ స్టేషన్ పరిధిలోని కవికా లేఅవుట్‌లో ఆదివారం చోటు చేసుకుంది.

ఘటనపై కేసు నమోదు చేసుకున్న పోలీసులు.. మృతుడు ఉదయ్ భార్య నిర్మల(35)ను హత్యానేరం కింద అరెస్ట్ చేశారు. ఉదయ్ ఓ ప్రైవేటు కంపెనీలో డ్రైవర్‌గా విధులు నిర్వహిస్తున్నాడని పోలీసులు ఈ సందర్భంగా తెలిపారు.

పోలీసులు తెలిపిన వివరాల ప్రకారం.. మెడికేరికి చెందిన ఈ దంపతులకు 17ఏళ్ల క్రితం వివాహమైంది. వీరికి 14ఏళ్ల కూతురు కూడా ఉంది. ఆదివారం రాత్రి మద్యం మత్తులో ఇంటికి వచ్చిన ఉదయ్.. తన భార్యను శృంగారం చేయాలంటూ బలవంతపెట్టాడు. అతనికి ఇప్పటికే హెచ్ఐవీ ఉండటంతో ఆమె అందుకు తిరస్కరించింది.

దీంతో ఆమెతో సోమవారం ఉదయం 3గంటల వరకు గొడవపడ్డాడు. వివాహేతర సంబంధం పెట్టుకున్నావంటూ ఆమెతో వాగ్వాదానికి దిగాడు. ఈ క్రమంలో ఆగ్రహానికి గురైన నిర్మల.. అతని ప్రైవేట్ భాగాల్లో తన్నేసింది. దీంతో ఒక్కసారిగా ఉదయ్ కుప్పకూలిపోయాడు. వెంటనే అతడ్ని ఆస్పత్రికి తరలించినప్పటికీ.. అప్పటికే మృతి చెందినట్లు వైద్యులు తెలిపారు.

కాగా, కండోమ్ పెట్టుకుని సెక్స్ చేయాలని కోరినప్పటికీ ఉదయ్.. అంగీకరించకపోవడంతోనే తాను దాడి చేశానని నిర్మల పోలీసులకు తెలిపింది. తాను అతడ్ని చంపాలని అనుకోలేదని, పొరపాటున అలా జరిగిపోయిందని తెలిపింది. ఇది ఇలా ఉండగా, చందు అనే వ్యక్తితో నిర్మల వివాహేతర సంబంధం పెట్టుకుందని, వీరిద్దరు కలిసే తన అన్నయ్యను చంపేశారని ఉదయ్ సోదరి పరిమళ పోలీసులకు ఇచ్చిన తన ఫిర్యాదులో పేర్కొంది. ఈ నేపథ్యంలో చందును కూడా అదుపులోకి తీసుకున్న పోలీసులు.. విచారిస్తున్నారు.

English summary

A 47-year-old man infected with HIV died when his wife kicked him in the private part after he allegedly forced her to have sex with him. The incident was reported in Kavika Layout in Byatarayanapura police station limits early Sunday.