ప్రేమలో విఫలమైన యువతితో... గొరిల్లా రొమాన్స్

న్యూఢిల్లీ: భారతీయ బుల్లి తెర పైన ఓ సంచలనం రాబోతుంది. మొట్టమొదటిసారి ఓ టీవీ సీరియల్లో భారీ జంతువు పూర్తి నిడివి గల పాత్రలో నటించనుంది. అంతేకాదు, ఆ జంతువుతో ఓ యువతి రొమాన్స్ చేయనుంది. ఆ జంతువు గొరిల్లా.

ఏడాదిగా కలర్స్ చానల్లో మంచి టీఆర్పీ రేటింగుతో ప్రసారం అవుతోంది.. థప్ కీ ప్యార్ కి సీరియల్. ఈ సీరియల్లోనే ఇలాంటి అరుదైన దృశ్యాలు చోటు చేసుకోనున్నాయి. బిగ్ బ్రదర్ షో ద్వారా పాపులారిటీ సంపాదించుకున్న జిగ్యాస్ సింగ్ ఈ షోలో లీడ్ రోల్ చేస్తోంది.

గొరిల్లా ఆమె వద్దకు చేరుకునే, ఇంట్లో నానా యాగి చేసి, ఆమెను మెప్పించే ఎపిసోడ్లు జూన్ 17వ తేదీ నుంచి ప్రారంభం కానున్నాయి. జిగ్యాస - గొరిల్లాల మధ్య సాగే రొమాంటిక్ సీన్లు ప్రేక్షకులను రంజింప చేస్తాయేమో చూడాలి.

ఈ సీరియల్లో ఇప్పటికే ఆమె జీవితంలో ఇద్దరు మగాళ్లు ఉంటారు. ఒకడు నిశ్చితార్థం ముందు కాదని, మరొకడు అమె పని చేస్తున్న సంస్థ యజమాని. స్వతంత్ర భావాలు ఉన్న ఆమె ప్రేమలో వరుస వైఫల్యాల కారణంగా కుంగిపోతుంది.

దీంతో జీవితం కాస్త భారంగా మారుతుంది. ఆ సమయంలో ప్రేమైక జీవనం కోసం తపిస్తుంది. తనవాడి కోసం ఎదురు చూస్తున్న సమయంలో ఆమె దగ్గరకు అనుకోని పరిస్థితుల్లో గొరిల్లా వస్తుంది. కాలక్రమేణా ఇద్దరు ఒకటి అవుతారు. గొరిల్లాకు అమ్మాయి పట్ల ప్రేమ పుడుతుంది.

English summary

So, Indian television has taken the quotient of weirdness another notch higher. In what may be called a never-before-seen plot in the history of Indian television, the show Thapki Pyar Ki on Colors, is all set to have a gorilla to romance its leading lady.