Vande Bharat: 8000 వందే భారత్ కోచ్‌ల తయారీ లక్ష్యంగా పెట్టుకున్న రైల్వే..!

వందే భారత్ ఎక్స్‌ప్రెస్‌కు సంబంధించి భారతీయ రైల్వే కొత్త ప్రకటన చేసింది. రాబోయే కాలంలో మొత్తం 8000 వందే భారత్ ఎక్స్‌ప్రెస్ కోచ్‌లను తయారు చేసే ప్రణాళికను వెల్లడించింది. ఈ సెమీ హైస్పీడ్ ట్రైన్‌సెట్‌లను మరింత మెరుగుపరిచేందుకు ప్లాన్ చేస్తున్నట్లు పేర్కొంది. వందే భారత్ రైలు సౌకర్యవంతమైన ప్రయాణానికి, త్వరగా గమ్యస్థానాలకు చేరుకోవడానికి ప్రసిద్ధి చెందింది.

వందే భారత్ ఎక్స్‌ప్రెస్ రైలులో 16 కోచ్‌లు ఉంటాయి. అయితే దీనిని అవసరాన్ని బట్టి 8 కోచ్‌లతో నడపవచ్చు. ప్రస్తుతం వందేభారత్ రైళ్లను దేశంలోని చాలా రాష్ట్రాల్లో నడుపుతోన్నారు. కొన్ని సంవత్సరాలలో దేశంలోని మిగిలిన మార్గాల్లో కూడా వందే భారత్ రైళ్లను నడపనున్నారు. 16 కోచ్‌ల వందే భారత్ రైలు సెట్‌కు దాదాపు రూ.130 కోట్లు ఖర్చవుతుందని అంచనా వేస్తున్నారు.

చెన్నైలోని ఇంటిగ్రల్ కోచ్ ఫ్యాక్టరీ (ICF) స్లీపర్ వేరియంట్‌లో 3,200 వందే భారత్ కోచ్‌లను తయారు చేయనుంది. ఇప్పటివరకు వందే భారత్ ఎక్స్‌ప్రెస్ రైలు కోసం సీటింగ్ కోచ్‌లను మాత్రమే సిద్ధం చేశారు. ప్రణాళికాబద్ధమైన విస్తరణతో 1,600 కోచ్‌లను ICFలో ఉత్పత్తి చేస్తారు. మిగిలినవి MCF-రాయ్ బరేలీ, RCF-కపుర్తలా ద్వారా ఉత్పత్తి చేయనున్నారు. వందేభారత్ రేకుల సంఖ్య కూడా ఈ ఆర్థిక సంవత్సరంలో 25 నుంచి 75కి చేరుతుందని అంచనా వేస్తున్నారు.

ఈ ఏడాది దాదాపు 700 వందేభారత్ కోచ్‌లను ఉత్పత్తి చేయనున్నట్లు రైల్వే మంత్రిత్వ శాఖ అధికారులు తెలిపారు. 2024-25లో వెయ్యి అదనపు కోచ్‌లను తయారు చేయనున్నారు. వందేభారత్ స్లీపర్ వేరియంట్‌లో మొదటి రైలు వచ్చే ఏడాది ప్రారంభంలో తయారు చేయనున్నట్లు రైల్వే మంత్రి అశ్విని వైష్ణవ్ తెలిపారు. ఈ రైలు సుదూర రైళ్లలా నడుస్తుంది. రాజధాని మాదిరిగానే ఇది మొదటి 500 కి.మీ దూరం వరకు నడుస్తుంది.

English summary

The Indian Railway has made a new statement regarding Vande India Express. India has announced a plan to make a total of 8000 express coaches in the coming period.