దూసుకుపోతున్న ‘భీమ్’యాప్: ప్లేస్టోర్‌లో టాప్, త్వరలో ఐఓఎస్‌కూ

ప్రధాని నరేంద్ర మోడీ ఇటీవల విడుదల చేసిన భీమ్‌ ఆండ్రాయిడ్‌ అప్లికేషన్‌కు ప్రజల నుంచి విశేష స్పందన లభిస్తోంది.

న్యూఢిల్లీ: పెద్ద నోట్ల రద్దు అనంతరం నగదు రహిత లావాదేవీలు నిర్వహించేందుకు ప్రధాని నరేంద్ర మోడీ ఇటీవల విడుదల చేసిన భీమ్‌ ఆండ్రాయిడ్‌ అప్లికేషన్‌కు ప్రజల నుంచి విశేష స్పందన లభిస్తోంది. నాలుగు రోజుల కిందట విడుదల చేసిన ఈ అప్లికేషన్‌ 4.1 రేటింగ్‌తో గూగుల్‌ ప్లేస్టోర్‌లో అగ్రభాగాన నిలవడం గమనార్హం.

ఇప్పటికే 3మిలియన్లకు పైగా మంది ఈ యాప్‌ను డౌన్‌లోడ్ చేసుకోవడం విశేషం.
డిసెంబర్‌ 30న ఢిల్లీలో జరిగిన ఓ కార్యక్రమంలో ప్రధాని మోదీ ఈ అప్లికేషన్‌ను విడుదల చేసిన విషయం తెలిసిందే. దీన్ని డౌన్‌లోడ్‌ చేసుకోడం ద్వారా ఎవరైనా నగదు రహిత లావాదేవీలు జరుపుకొనే వీలుంది.

డౌన్‌లోడ్‌ చేసుకున్న భీమ్‌ అప్లికేషన్‌లో బ్యాంకు ఖాతా నెంబరు, శాఖల వివరాలు నమోదు చేసుకోడంతో ఏకీకృత లావాదేవీలు చేసుకునేందుకు వీలుంది. సామాన్యులు సైతం తేలికగా ఉపయోగించడం కోసం స్మార్ట్‌ఫోన్లకే పరిమితం కాకుండా అప్‌డేటెడ్‌ ఫీచర్‌ ఫోన్లలోనూ ఈ అప్లికేషన్‌ పనిచేసే విధంగా రూపొందించారు.

#Bhim App - 3Mln download since launch, No1 on Playstore in India amongst all Apps, over 500,000 transactions since launch. #MakeinIndia

— Amitabh Kant (@amitabhk87) 2 January 2017

Pl wait. In 10 days time iOS version & multilingual. https://t.co/2IBPu0bDJS

— Amitabh Kant (@amitabhk87) 2 January 2017

ఏకీకృత చెల్లింపులు లేని వారికి కూడా ఆయా బ్యాంకుల ఐఎఫ్‌ఎస్‌సీ, ఎంఎంఐడీ కోడ్ల ద్వారా ఆన్‌లైన్‌ చెల్లింపులు జరుపుకోవచ్చు. అయితే, ఈ యాప్ ప్రస్తుతం ఆపిల్‌ ఫోన్లు, ఐవోఎస్‌ ఫోన్లలో ఇంకా అందుబాటులోకి రాలేదు. త్వరలో వీటిల్లో కూడా భీమ్‌ను అందుబాటులోకి తెస్తున్నట్లు ప్రభుత్వం పేర్కొంది.

English summary

BHIM, the unified app for UPI-based payments has crossed 3 million downloads in just five days since it was launched with over 500,000 transactions done since launch. The numbers were put out in a tweet by Amitabh Kant, who is the CEO of Niti Aayog.