• search

ప్రయోగం సక్సెస్ : బయో ఇంధనంతో గాల్లోకి ఎగిరిన విమానం

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
      బయో ఫ్యూయల్‌ విమానం- కీలక మైలురాయి

      న్యూఢిల్లీ: భారత్‌లో తొలి బయో ఫ్యూయెల్ విమానం గాల్లోకి ఎగిరింది. ఇది కేవలం ప్రయోగాత్మకమే అని ఇది విజయవంతం అయినట్లు అధికారులు తెలిపారు. ఇది అమల్లోకి వస్తే అత్యంత ఖరీదైన టర్బైన్ ఫ్యూయెల్ వాడకం తగ్గుతుంది. తొలిసారిగా ఈ జీవ ఇంధనంను ప్రముఖ ఎయిర్‌లైన్స్ సంస్థ స్పైస్ జెట్ విమానం ప్రారంభించింది. ఇది డెహ్రాడూన్‌లో టేకాఫ్ అయి ఢిల్లీలో ల్యాండ్ అయ్యింది.

      ఈ విమానానికి వినియోగించిన బయో ఫ్యూయెల్ పునరుత్పాదక వనరుల నుంచి తయారు చేసినట్లు స్పైస్ జెట్ తెలిపింది. ఇందులో వ్యవసాయ,నాన్ ఎడిబుల్ ఆయిల్స్, పారిశ్రామిక, మున్సిపల్ వాడలనుంచి వ్యర్థాలతో ఈ ఇంధనాన్ని తయారు చేసినట్లు స్పైస్ జెట్ వెల్లడించింది. ఈ ఇంధనంతో నడిచే విమానాల మెయింటెనెన్స్ తక్కువ ఖర్చుతో కూడుకుని ఉంటుందని స్పైస్ జెట్ వివరించింది. సోమవారం నిర్వహించిన ట్రయల్ రన్‌కోసం ఇండియన్ ఇన్స్‌టిట్యూట్ ఆఫ్ పెట్రోలియం సంస్థ ఈ బయో ఫ్యూయెల్‌ను తయారు చేసింది.

      Biofuel driven flight successfully tested

      డెహ్రడూన్ జాలీ గ్రాంట్ విమానాశ్రయం నుంచి ఈ బయోఫ్యూయెల్ విమానాన్ని ఉత్తరాఖండ్ ముఖ్యమంత్రి త్రివేంద్ర సింగ్ రావత్ ప్రారంభించారు. మొత్తం 20 మంది ప్రయాణికులతో ఈ విమానం గాల్లోకి ఎగిరింది. 25 నిమిషాల్లో ఢిల్లీ విమానాశ్రయానికి చేరుకున్నట్లు స్పైస్ జెట్ సంస్థ వెల్లడించింది. ఈ విమానం ఎయిర్‌పోర్టులో ల్యాండ్ అవగానే కేంద్రమంత్రులు నితిన్ గడ్కరీ, సురేష్ ప్రభు, ధర్మేంద్ర ప్రధాన్, హర్ష వర్ధన్ జయంత్ సిన్హాలు రిసీవ్ చేసుకున్నారు. ఈ బయోఫ్యూయెల్ ఉత్పత్తి చేసేందుకు దాదాపు 500 వ్యవసాయ కుటుంబాలు పనిచేశాయి. విమానం కుడి ఇంజిన్‌లో 25శాతం బయోఫ్యూయెల్, ఎడమ ఇంజిన్‌లో టర్బైన్ ఇంధనంతో నింపారు. ఈ ప్రయోగం విజయవంతమైందని దీన్ని అమల్లోకి తీసుకొస్తే విమానాలకు బయోఫ్యూయెల్ వినియోగిస్తున్న దేశాలు అమెరికా, ఆస్ట్రేలియాల సరసన భారత్ నిలుస్తుంది.

      తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

      English summary
      India's first biofuel-powered flight that aims to reduce costs of air travel by replacing the costly aviation turbine fuel was successfully tested today. A 72-seater SpiceJet aircraft, partially powered by biojet fuel, took off from Dehradun and landed at the Delhi airport.The biofuel is made partially from renewable resources such as agricultural residues, non-edible oils and bio-degradable fractions of industrial and municipal wastes, SpiceJet said.

      Oneindia బ్రేకింగ్ న్యూస్
      రోజంతా తాజా వార్తలను పొందండి

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more