గురి చూసి కొట్టిన పాతపగ, బీజేపీ దెబ్బతో పొత్తు పెట్టుకున్నా ఫలితం లేదు, సర్దుకుంటున్న లీడర్ !

లోక్‌సభ ఎన్నికల నేపథ్యంలో కర్ణాటకలో బీజేపీ, జేడీఎస్‌ల మధ్య పొత్తు కుదిరింది. ఈ పొత్తును కొందరు బీజేపీ నేతలు మొదటి నుంచి తీవ్రంగా వ్యతిరేకిస్తూ వస్తున్నారు. హాసన్‌లో జేడీఎస్ తో పొత్తుపై బీజేపీ మాజీ ఎమ్మెల్యే ప్రీతం గౌడ బాహాటంగానే తన అసంతృప్తిని వ్యక్తం చేశారు. ఎన్నికల తేదీ దగ్గర పడుతున్న తరుణంలో బీజేపీ నాయకుల దెబ్బకు దళపతులు, జేడీఎస్ నాయకులు షాక్‌కు గురయ్యారు.

హాసన్ లో బీజేపీ, జేడీఎస్ కూటమి అభ్యర్థిగా జేడీఎస్ పార్టీ సిట్టింగ్ ఎంపీ ప్రజ్వల్ రేవణ్ణపై మొదటి నుంచి ఆగ్రహం వ్యక్తం చేసిన మాజీ ఎమ్మెల్యే ప్రీతమ్ గౌడ హాసన్ జేడీఎస్ నేతలతో దూరం పాటిస్తున్నారు. కాంగ్రెస్ అభ్యర్థి శ్రేయాస్ పటేల్‌కు ప్రచారం చేయాలని బీజేపీ కార్యకర్తలు నిర్ణయించుకున్నారు. ఇలాంటి సమయంలో హాసన్‌లో ఎన్‌డీఏ కూటమి అభ్యర్థి ప్రజ్వల్ రేవణ్ణకు షాక్ తగిలింది. బీజేపీ మాజీ ఎమ్మెల్యే ప్రీతమ్‌ గౌడకు సన్నిహితుడైన ఉద్దూర్‌ పురుషోత్తం అలియాస్ పురుషోత్తం నేతృత్వంలో బీజేపీ కార్యకర్తలు కాంగ్రెస్‌ అభ్యర్థి తరఫున ఎన్నికల ప్రచారం చేస్తున్నారు.

2018 అసెంబ్లీ ఎన్నికల్లో హాసన్‌లో ప్రీతమ్ గౌడ విజయంలో కీలకపాత్ర పోషించిన పురుషోత్తం ఇప్పుడు వందలాది మంది బీజేపీ కార్యకర్తలతో కలిసి శ్రేయాస్ పటేల్‌ను కలిశారు. పురుషోత్తం ఇప్పుడు కాంగ్రెస్ అభ్యర్థి శ్రేయాస్‌కు మద్దతిస్తానని, కాంగ్రెస్ తరపున ప్రచారం చేస్తానని హామీ ఇచ్చారని వెలుగు చూసింది. బీజేపీ కర్ణాటక ఎన్నికల ఇన్‌ఛార్జ్ రాధామోహన్ దాస్ అగర్వాల్ ఇటీవలే ప్రీతమ్‌ గౌడతో తాను మాట్లాడుతానని, ఆయన మీద తనకు విశ్వాసం ఉందని చెప్పారు.

బీజేపీ నాయకుడు, మాజీ ఎమ్మెల్యే ప్రీతమ్ గౌడ, జేడీఎస్ ఎంపీ అభ్యర్థి ప్రజ్వల్ రేవణ్ణల మధ్య విభేదాలను సరిదిద్దేందుకు ప్రయత్నిస్తానని జేడీఎస్ నేతలకు ఆయన హామీ ఇవ్వడం జరిగింది. అయితే ఇలాంటి సమయంలో బీజేపీ సీనియర్ నాయకుడు పురుషోత్తం కాంగ్రెస్ పార్టీ ఎంపీ అభ్యర్థికి మద్దతు ఇవ్వాలనే నిర్ణయం తీసుకోవడంతో జేడీఎస్ నాయకులు ఉలిక్కిపడ్డారు. అయితే ప్రస్తుత పరిస్థితుల్లో ప్రీతమ్ గౌడ్, ప్రజ్వల్ రేవణ్ణల మధ్య విభేదాలు ముగిసే సూచనలు కనిపించడం లేదని, సమస్య పరిష్కారంపై బీజేపీ సీనియర్ నేతలు ఆసక్తి చూపడం లేదని హాసన్ లోని జేడీఎస్ నాయకులు చెబుతున్నారు.

మైసూరులో ఎన్డీయే అభ్యర్థి యదువీర్ కృష్ణదత్త వడయార్‌ తరఫున ప్రచారం చేస్తున్న ప్రీతమ్‌ గౌడ వద్దకు ప్రజ్వల్ ను తీసుకెళ్లి సమస్య పరిష్కారానికి చిత్తశుద్ధితో కృషి చేస్తానని ఇటీవల హాసన్‌కు వచ్చిన అగర్వాల్‌ బీజేపీ, జేడీఎస్‌ నేతలకు హామీ ఇచ్చారు. ప్రజ్వల్ కు హాసన్ లో ఎన్నికల ప్రచారం చేస్తానని, ప్రస్తుతం మైసూర్‌లో బిజీగా ఉన్నానని చెబుతున్న ప్రీతమ్ చిన్నగా తప్పించుకుంటున్నారు.

English summary

BJP leaders are saying that they cannot support JDS MP candidate Prajwal Revanna in Hassan. BJP leaders who reversed at the last minute in Hasan.