రేప్ యత్నం విఫలమై మరదలిపై బావ యాసిడ్ దాడి
ముజఫర్పూర్: ఉత్తరప్రదేశ్ రాష్ట్రంలో యాసిడ్ దాడికి సంబంధించిన మరో దారుణం జరిగింది. ఇటీవల లైంగిక దాడితో ముడిపడిన రెండో దాడి ఇది. బావ మరదలిపై అత్యాచార యత్నానికి ప్రయత్నించాడు. అందులో విఫలం కావడంతో కసితో ఆమెపై యాసిడ్ దాడి చేశాడు.
ఈ సంఘటన ఉత్తరప్రదేశ్ రాష్ట్రంలోని ముజఫర్నగర్ జిల్లా చాపర్ ప్రాంతంలోని ఖుద్దా గ్రామంలో ఆ సంఘటన చోటు చేసుకున్నట్లు పోలీసులు శుక్రవారంనాడు తెలిపారు. మహిళ కాలిన గాయాలతో బాధపడుతోంది. ఆమెను జిల్లా అస్పత్రిలో చేర్చినట్లు డిప్యూటీ పోలీసు సూపరింటిండెంట్ అరుణ్ కుమార్ చెప్పారు.
తన బావ జహంగీర్ తనపై అత్యాచారం చేయడానికి ప్రయత్నించాడని, బైక్పై ఇంటికి తిరిగి వస్తుండగా ఆ ప్రయత్నం చేశాడని ఆమె తన ఫిర్యాదులో ఆరోపించింది. అందులో విఫలం కావడంతో తనపై యాసిడ్ చల్లి, అక్కడి నుంచి పారిపోయాడని బాధితురాలు చెప్పింది.
పోలీసులు కేసు నమోదు చేసుకున్నారు. పరారీలో ఉన్న వ్యక్తిపై పోలీసులు ఆ కేసు నమోదు చేశారు. అతన్ని పట్టుకోవడానికి పోలీసులు గాలింపు చర్యలు చేపట్టారు.
Click it and Unblock the Notifications
Sign in with Google