సీఎం నివాసం వద్ద కాల్పులు, సెక్యూరిటీపై ఒమర్ ట్వీట్
ముఖ్యమంత్రి ఒమర్ అబ్దుల్లా నివాసం వద్దే ఒకటి కన్నా ఎక్కువసార్లు తుపాకీ పేలిన శబ్దం రావడంతో ఆ ప్రాంతంలో ఒక్కసారిగా ఉద్రిక్త పరిస్థితి ఏర్పడింది. ప్రజలు అంతా ఏదో జరిగిందని ఆందోళనకు గురయ్యారు. అప్రమత్తమైన అధికారులు పరిస్థితిని వెంటనే అదుపులోకి తీసుకు వచ్చారు.
ఈ కాల్పులు.. తొలుత మిలిటెంట్ల దాడి అనుకున్నారు. ఆ తర్వాత ఒమర్ ఇంటి ముందు డ్యూటీ చేస్తున్న బీఎస్ఎఫ్ జవానే పేల్చాడని, అదీ ప్రమాదవశాత్తూ పేలిందని తెలియడంతో అందరు ఊపిరిపీల్చుకున్నారు. జవానును అతడిని అదుపులోకి తీసుకుని పోలీసులకు అప్పగించారు.
కాగా, కాల్పులు జరిపిన జవాను మానసిక ఇబ్బందులతో బాధపడుతున్నట్లు ఉన్నాడని పోలీసులు చెబుతున్నారు. తన భద్రతపై ఎటువంటి సందేహాలు లేవని, తన సెక్యూరిటీ టీం పైన పూర్తి నమ్మకం ఉందని ఈ సంఘటన అనంతరం ఒమర్ అబ్దుల్లా ట్వీట్ చేశారు.
Click it and Unblock the Notifications
Sign in with Google