మెడలో కొన్ని బంగారు చైన్లు, 10 ఉంగారు, చుట్టూ బాడీగార్డులు, సెటిల్ మెంట్లు, లేడీతో పెట్టుకుని ?

మెడలో చాలా ఎక్కువగా బంగారు చైన్లు, తల వెనుక ఖల్ నాయక్ సినిమాలో సంజయ్ దత్ కు ఉండేలా పొడవుగా వేలాడుతున్న వెంట్రుకలు, అతని చుట్టూ బాడీగార్డుల్లా ఐదారుగురు యువకులు, ఇతను నడిస్తే బెంగుళూరులో పెద్ద డాన్ అనే ఫీలింగ్ తో ఉంటాడు. ఆ ఏరియాలో ఫుల్ హవా నడిపించే బిల్డప్ దాస్ అలియాస్ దాస్ ఇప్పుడు బెంగళూరులోని యలహంక పోలీసుల ముందు చేతులు కట్టుకుని నిలబడ్డాడు.

బిల్డప్ దాస్ ఆస్తి అతని తండ్రి సంపాదించినది, మెడలో వేసుకున్న బంగారు గొలుసు, చేతికి వాచీ ఉంగరం అన్నీ బంగారమే. మెడలో కొబ్బరి తాడులా మందంగా ఉండే బంగారు గొలుసులు చాలా ఉన్నాయి. ఇతను చాలా జల్సాగా తిరుగుతున్నాడు. అతన్ని చూస్తే బతికితే ఇలాగే బతకాలి అని చాలా మందికి అనిపించాలి. ఇతను ఇంత విలాసవంతమైన జీవితం గడుపుతున్నాడు. విపరీతమైన ఫాలోయింగ్ ఉన్న ఆసామి పేరు దాస్ అలియాస్ బిల్డప్ దాస్.

ఇలా బిల్డప్ ఇస్తున్న బిల్డప్ దాస్ అతను రౌడీయిజం చేసే ఫోటోలు తీసి వాటిని అతని ఫేస్ బుక్ స్టేటస్ లో పెట్టాడు. సోషల్ మీడియాలో అతని బిల్డప్ ఫోటోలు పెట్టాడు. బిల్డప్ దాస్ తీసిన రీల్స్ ఇన్ స్టాగ్రామ్ లో పోస్ట్ చేశాడు. సోషల్ మీడియాలో వేల మంది ఫాలోవర్లను సంపాదించుకున్న బిల్డప్ దాస్ అతని స్టైల్, హవా చూసిన వాళ్లు అతను ఓ పెద్ద డాన్ అని నమ్ముతున్నారు. చాలా మంది యువకులు ఆ బిల్డప్ దాస్ వెనుక అన్నా అన్నా అంటూ తిరగడంతో నిజంగానే అతను పెద్ద డాన్ అని అందరూ అనుకున్నారు.

బిల్డప్ దాస్ మాటలు నమ్మి మోసం పోయిన బాధితులు ఇప్పుడు బెంగళూరు పోలీసులను ఆశ్రయించారు. తనను ఎవరూ ఏమీ చేయరనే అహంకారాన్ని చూపిస్తూ వేరొకరి ఆస్తి కోసం ఈ బిల్డప్ దాస్ ను ఆశ్రయించారు. బిల్డప్ దాస్ అతని వెంట ఉండే యువకులను ఆ ఖాళీ జాగాలోకి పంపించి దానిని ఆక్రమించడానికి ప్రయత్నించాడు. ఆస్తి విషయంలో ఓ మహిళకు, మరో వ్యక్తి మధ్య గొడవ జరిగింది.

మహిళతో గొడవపడుతున్న ఆ వ్యక్తి చివరికి బిల్డప్ దాస్ ను ఆశ్రయించాడు. ఆ తర్వాత ఆ వ్యక్తి వైపు వెళ్లిన బిల్డప్ దాస్ అతని వెంట ఉండే యువకులను ఆ మహిళపై దాడి చేశారు. దాడికి గురైన మహిళ బెంగళూరులోని యలహంక పోలీస్ స్టేషన్‌లో ఫిర్యాదు చేసింది. పోలీసులు ఫిర్యాదు నమోదు చేసి దర్యాప్తు ప్రారంభించారు.

తన వెంట ఉండే యువకులను ఆ మహిళ మీద దాడి చెయ్యడానికి పంపాడని తెలిసుకున్న బెంగళూరులోని యలహంక పోలీసులు బిల్డప్ దాస్ ను అదుపులోకి తీసుకున్నారు. రీల్ బిల్డప్ ఖల్ నాయక్ దాస్ ను బెంగళూరు పోలీసులు విచారణ చేస్తున్నారు. మొత్తం మీద వేరేవాళ్ల ఆస్తిమీద కన్ను వేసిన బిల్డప్ దాస్ ఆగడాల గురించి వివరాలు సేకరిస్తున్నామని, కేసు విచారణలో ఉందని పోలీసు అధికారులు తెలిపారు.

English summary

Bengaluru police arrested Buildup Das, who was making settlements with five gold chains around his neck and gold chains on his hands, accompanied by bodyguards.