వింత దూడ.. మనిషి స్వభావం.. పాటలకు స్టెప్పులు కూడా..!
చెన్నై : తమిళనాడులో వింత చోటు చేసుకుంది. ఇటీవల జన్మించిన దూడ అచ్చం మనుషుల్లా ప్రవర్తిస్తోంది. తినడం, పడుకోవడం, పాటలకు స్టెప్పులేయడం.. ఇలా చిత్రవిచిత్రాలు చేస్తోంది. దాన్ని చూసినవాళ్లంతా ముక్కున వేలేసుకుంటున్నారు. అంతేకాదు సెల్ఫీలు తీసుకుంటూ ముచ్చటపడుతున్నారు.
ఈజీగా హత్యలు , అత్యాచారాలు.. ఫేస్బుక్ నిండా అమ్మాయిలు.. శ్రీనివాస్ రెడ్డి రాక్షస జీవితం (వీడియో)
అచ్చం మనిషిలాగే..!
తమిళనాడు వేలూరు జిల్లా ఆంబూరులో ఈ వింత దూడకు జన్మనిచ్చింది ఆవు. వీరకుప్పానికి చెందిన ఆనందన్ అనే వ్యక్తి ఇంట్లో జన్మించిన దూడ.. నడవడం వచ్చీ రాగానే చిత్రవిచిత్రంగా ప్రవర్తిస్తోంది. మామూలుగా పశువులు ఆరుబయట పెట్టిన నీళ్లు తాగుతుంటాయి. కానీ ఈ దూడకు మాత్రం ఆ ఇంటి మనుషులు తాగే మంచినీరు మాత్రమే కావాలి.
అంతేకాదు అది పడుకోవడం కూడా చిత్రంగానే ఉంటోంది. అన్నీ పశువుల్లాగా కొట్టంలో పడుకోవడం లేదు. ఆ ఇంటి కుటుంబ సభ్యులు ఎక్కడైతే పడుకుంటారో.. అక్కడే ఎంచక్కా నిద్రపోతోంది. ఇక వాళ్లు ఏదైనా తింటే చాలు.. నాకేది అన్నట్లుగా చూస్తోందట. సర్లే అని పెడితే అచ్చం మనుషుల్లాగే కరకరా నమిలి మింగేస్తోంది.
మ్యూజిక్ సెన్స్ కూడా..!
ఈ దూడకు సంబంధించి ఎంత చెప్పినా తక్కువే. కొట్టంలోకి తీసుకెళ్లి ఉంచినా.. కొద్దిసేపటికే తిరిగొచ్చి ఇంట్లో సందడిగా తిరుగుతోంది. జస్ట్ పాల కోసం మాత్రమే ఆవు దగ్గరకు వెళుతోంది. దీని ముద్దు మురిపాలు చూసి ఆ ఇంటోళ్లు వేలన్ అంటూ పేరు కూడా పెట్టేశారు. ఇన్ని ప్రత్యేకతలున్న ఈ దూడకు మాంఛి మ్యూజిక్ సెన్స్ కూడా ఉంది. వాళ్లు పాటలు పెట్టుకుంటే ఎంచక్కా డ్యాన్స్ కూడా చేస్తోంది.
క్యూ కడుతున్న జనం
ఈ వింత దూడ గురించి తెలియగానే చూడటానికి జనాలు క్యూ కడుతున్నారు. కొందరేమో సెల్ఫీలు తీసుకుంటుంటే.. మరికొందరేమో డిఫరెంట్ షెడ్స్ లో ఫోటోలు దిగుతున్నారు. అయితే ఈ దూడ ఇలా ఎందుకు ప్రవర్తిస్తుందోనని స్థానికులు ఆశ్చర్యపోతున్నారు. అదలావుంటే పరిసరాలను చూసి కొత్త విషయాలు నేర్చుకునే క్రమంలో ఇలా జరుగుతుందేమోనని మరికొందరు అనుకుంటున్నారు.