ఇద్దరు అమ్మాయిలతో..: కెమెరాకు చిక్కిన పోలీస్ నిర్వాకం
ఇద్దరు మైనర్లను లైంగికంగా వేధించిన ఓ కానిస్టేబుల్ను పోలీసులు అరెస్టు చేశారు. అతనిని సస్పెండ్ చేశారు. సదరు కానిస్టేబుల్ చేసిన చర్యకు సంబంధించిన వీడియో ఒకటి ఇంటర్నెట్లో హల్చల్ చేస్తోంది.
లక్నో: ఇద్దరు మైనర్లను లైంగికంగా వేధించిన ఓ కానిస్టేబుల్ను పోలీసులు అరెస్టు చేశారు. అతనిని సస్పెండ్ చేశారు. సదరు కానిస్టేబుల్ చేసిన చర్యకు సంబంధించిన వీడియో ఒకటి ఇంటర్నెట్లో హల్చల్ చేస్తోంది.
దీంతో అతని బాగోతం బయటపడింది. అయితే, ఆ పోలీసు మాత్రం తాను వారిని ఏమీ అనలేదని, కేవలం ఇంటికి వెళ్లాలని మాత్రమే సూచించానని చెబుతున్నాడు.
ఉత్తరప్రదేశ్లోని మెయిన్పురిలో ఈశ్వరీ ప్రసాద్ అనే వ్యక్తి కానిస్టేబుల్గా పని చేస్తున్నాడు. అతడు ఓ మంచంలో పడుకొని అక్కడే ఉన్న ఇద్దరు మైనర్లలో ఒకమ్మాయి చేయి పట్టుకోబోయాడు. ఆ బాలిక నిరాకరించడంతో లైంగికంగా వేధింపులు చేసే ప్రయత్నం చేశాడు.
ఈ వీడియోనే బయటకు రావడంతో అతడినికి చిక్కులు వచ్చి పడ్డాయి. అయితే, ఆ సమయంలో వారిని ఇంటికి వెళ్లాలని చెప్పేందుకే చేయిపట్టుకున్నాను తప్ప వేరే ఉద్దేశంతో కాదని చెబుతున్నాడు.
ప్రస్తుతానికి పోస్కో యాక్ట్ ప్రకారం ప్రసాద్పై కేసు నమోదు చేశామని, విచారణ చేస్తామని పోలీసు ఉన్నతాధికారి ఎస్పీ రాజేశ్ ఎస్ తెలిపారు. యూపీలో లైంగిక వేధింపులు నియంత్రించేందుకు యాంటీ రోమియో స్క్వాడ్స్ టీములు ప్రయత్నం చేస్తుండగా ఇలాంటి ఘటన చోటుచేసుకోవడం గమనార్హం.