రేప్ కేసుల్లో గుర్మీత్ రామ్ రహీంకు జైలుశిక్ష: జడ్జికి జడ్ ఫ్లస్ భద్రత, ఎన్ఎస్ జీ కమాండోలు !
సీబీఐ ప్రత్యేక కోర్టు న్యాయమూర్తి జగదీప్ సింగ్ కు జడ్ ఫ్లస్ (Z+) భద్రత కల్పించారు.
న్యూఢిల్లీ: సీబీఐ ప్రత్యేక కోర్టు న్యాయమూర్తి జగదీప్ సింగ్ కు జడ్ ఫ్లస్ (Z+) భద్రత కల్పించారు. వివాదాస్పద మతగురువు గుర్మీత్ రామ్ రహీం సింగ్ ను 20 ఏళ్లు జైలుకు పంపించిన న్యాయమూర్తి జగదీప్ సింగ్ కు ప్రాణహాని ఉందని వెలుగు చూడటంతో ఆయనకు కట్టుదిట్టమైన భద్రత కల్పించారు.
గుర్మీత్ రామ్ రహీమ్ సింగ్ కు రెండు రేప్ కేసుల్లో విచారణ పూర్తి చేసిన సీబీఐ ప్రత్యేక కోర్టు న్యాయమూర్తి జగదీప్ సింగ్ 20 ఏళ్లు జైలు శిక్ష విధించారు. గుర్మీత్ రామ్ రహీం సింగ్ ను జైలుకు పంపించిన మిమ్మల్ని చంపేస్తామని ఆయన అనుచరులు న్యాయమూర్తికి బెదిరింపు ఫోన్లు చేస్తున్నారు.
విషయం తెలుసుకున్న ఇంటిలిజెన్స్ అధికారులు న్యాయమూర్తి జగదీప్ సింగ్ కు కట్టుదిట్టమైన భద్రత కల్పించాలని కేంద్ర ప్రభుత్వం, హర్యాన ప్రభుత్వానికి సూచించింది. న్యాయమూర్తి జగదీప్ సింగ్, ఆయన కుటుంబ సభ్యులకు కు జడ్ ఫ్లస్ భద్రత కల్పించారు.
55 మంది పోలీసు అధికారులు, సిబ్బందితో పాటు 10 మంది ఎన్ఎస్ జీ కమాండోలను నియమించారు. న్యాయమూర్తి ఇంటి దగ్గర స్థానిక పోలీసులు కట్టుదట్టమైన భ్రదతా ఏర్పాట్లు చేశారు. న్యాయమూర్తి జగదీప్ ఇంటి పరిసర ప్రాంతాల్లో బ్యారికేడ్లు ఏర్పాటు చేసి అటు వైపు వచ్చి వెలుతున్న వాహనాలను క్షుణ్ణంగా పరిశీలిస్తున్నారు.