చైనా, పాక్ ముప్పు వేళ కేంద్రం మరో కీలక నిర్ణయం-లక్ష కోట్లతో..!

గత కొన్నేళ్లుగా పొరుగు దేశాలతో భారత్ కు సరిహద్దుల్లో ముప్పు పెరుగుతోంది. కరోనా సమయంలో చైనా, ఆ తర్వాత పాకిస్తాన్ వైపు నుంచి పెరుగుతున్న ముప్పుకు తోడు తాజాగా బంగ్లాదేశ్ కూడా సమస్యగా మారిపోయింది. దీంతో రక్షణ పరంగా మరింత పటిష్టమయ్యేందుకు కేంద్రం ప్రయత్నాలు చేస్తోంది. ముఖ్యంగా తాజాగా చేపట్టిన ఆపరేషన్ సింధూర్ లో ఎదురైన పరిణామాల్ని దృష్టిలో ఉంచుకుని కీలక రక్షణ సామాగ్రిని కొనుగోలు చేసేందుకు లైన్ క్లియర్ చేసింది.

తాజాగా లక్ష కోట్ల వ్యయంతో మూడు ప్రధాన, ఏడు చిన్న రక్షణ ప్రాజెక్టుల్ని చేపట్టేందుకు రక్షణ శాఖ గ్రీన్ సిగ్నల్ ఇచ్చినట్లు తెలుస్తోంది. వీటి మొత్తం విలువ లక్ష కోట్లు అని అంచనా. ఈ ప్రాజెక్టులలో ప్రత్యేకమైన గూఢచారి విమానం, శీఘ్ర-ప్రతిచర్య వాయు రక్షణ క్షిపణులకు అధునాతన మైన్ స్వీపర్లు, నీటి అడుగున పనిచేసే స్వయంప్రతిపత్తి నౌకలు ఉన్నాయి. ఇప్పటివరకూ రక్షణశాఖ వీటికి ప్రాథమిక ఆమోదం మాత్రమే తెలిపింది.

ఇందులో 44 వేల కోట్లతో చేపట్టే యుద్ద నౌకల స్వదేశీ నిర్మాణ ప్రాజెక్టు కూడా ఉంది. అయితే ఇది పూర్తయ్యేందుకు దశాబ్దం పడుతుందని అంచనా. ఈ యుద్ధనౌకలు శత్రు సైన్యం ఏర్పాటు చేసిన నీటి అడుగున ఉన్న గనులను సైతం గుర్తించగలవు, వాటిని ట్రాక్ చేసి నాశనం చేయగలవు కూడా. పాకిస్తాన్, చైనా సముద్ర సహకారాన్ని మరింతగా విస్తరిస్తున్న నేపథ్యంలో భారత సముద్ర సరిహద్దులు, వాణిజ్య షిప్పింగ్‌ను కాపాడుకునేందుకు ఎంసీఎంవీలను అభివృద్ధి చేయడం చాలా కీలకం.

రెండవ ప్రధాన ప్రాజెక్టులో డీఆర్డీవో అభివృద్ధి చేసిన 36 వేల కోట్ల త్వరిత ప్రతిచర్యగా ఉపరితలం నుండి గాలిలోకిప్రయోగించే క్షిపణి వ్యవస్థల కొనుగోళ్లు ఉన్నాయి. ఇందులో సైన్యం కోసం మూడు రెజిమెంట్లు, వైమానిక దళం కోసం మూడు స్క్వాడ్రన్లు ఉంటాయి.ఆర్మీ ఎయిర్ డిఫెన్స్ ఇలాంటి 11 రెజిమెంట్ల అవసరాన్ని గుర్తించింది.30 కి.మీ వరకు ఉన్న శత్రు యుద్ధ విమానాలు, హెలికాప్టర్లు, డ్రోన్‌లను నాశనం చేయడానికి తయారు చేసిన ఈ అత్యంత మొబైల్ వ్యవస్థలు తాజాగా ఆపరేషన్ సిందూర్ లో పాకిస్తాన్ ప్రయోగించిన టర్కీ డ్రోన్లు, చైనీస్ క్షిపణులను ఎదుర్కోవడంలో కీలకమైనవిగా పేరు తెచ్చుకున్నాయి.

మూడవ ముఖ్యమైన ప్రాజెక్ట్ 10 వేల కోట్ల విలువైన మూడు ఇంటెలిజెన్స్, నిఘా, లక్ష్య సముపార్జన, నిఘా విమానాల సేకరణ.
సింథటిక్ ఎపర్చర్ రాడార్లు, ఎలక్ట్రో-ఆప్టికల్ మరియు ఇన్‌ఫ్రారెడ్ సిస్టమ్‌ల వంటి డీఆర్డీవో అభివృద్ధి చేసిన స్వదేశీ సెన్సార్‌లతో కూడిన ఈ విమానాలు, యుద్ధ విమానాలు, క్షిపణుల ద్వారా విలువైన శత్రు భూ లక్ష్యాలను ఖచ్చితంగా ఛేదించేందుకు ఉపయోగపడతాయి.