కౌంట్‌డౌన్ నిలిపివేసిన శాస్త్రవేత్తలు..చంద్రయాన్-2 ప్రయోగం వాయిదా

శ్రీహరికోట: ఎంతో ప్రతిష్టాత్మకంగా తీసుకుని చంద్రుడిపైకి పంపాల్సిన చంద్రయాన్-2 ప్రయోగం నిలిచిపోయింది. సాంకేతిక సమస్యలు తలెత్తడంతో ఈ ప్రతిష్టాత్మక ప్రాజెక్టు ప్రస్తుతానికి ఆగిపోయింది. కొత్త తేదీని త్వరలోనే ఇస్రో ప్రకటించనుంది. అంతా సవ్యంగా సాగుతుందనుకునే సమయంలో టి-56 నిమిషంలో వాహక నౌకలో సాంకేతిక సమస్య తలెత్తడంతో ప్రయోగంను నిలిపివేసినట్లు ఇస్రో అధికారులు తెలిపారు. దీంతో సోమవారం జరగాల్సిన చంద్రయాన్-2 ప్రయోగం వాయిదా పడింది. త్వరలోనే చంద్రయాన్ -2 చంద్రుడిపైకి పంపే తేదీని ఇస్రో ప్రకటిస్తుందని ఆ సంస్థ ప్రతినిధి తెలిపారు.

చంద్రయాన్-2 మిషన్ టేకాఫ్‌ను చూసేందుకు వచ్చిన ఔత్సాహికులకు నిరాశే మిగిలింది. అయితే సాంకేతిక సమస్య ఎక్కడ వచ్చిందో అనేదానిపై మాత్రం క్లారిటీ రాలేదు. మిషన్ లాంచ్ వెహికల్‌లోనే సాంకేతిక సమస్య తలెత్తడంతో కౌంట్‌డౌన్‌ను నిలిపివేశారు ఇస్రో అధికారులు.

English summary

Chandrayaan-2 Moon Mission Launch Live Updates: Indian Space Research Organisation’s moon mission, Chandrayaan-2, will be launched from Satish Dhawan Space Centre at Sriharikota at 2.51 am on Monday. The mission will be launched onboard ISRO’s heavy-lift rocket GSLV-MkIII along with three components — orbiter, the lander and the rover.